“ʻOku Akoʻi ʻe ʻĒlone ʻa e Tuʻí,” Ko e Kaumeʻá, Siulai 2024, 26–27.
Ngaahi Talanoa mei he Folofolá
ʻOku Akoʻi ʻe ʻĒlone ʻa e Tuʻí
Tā fakatātā ʻa Andrew Bosley
Ko ʻĒloné ko e taha ia ʻo e ngaahi foha ʻo Mōsaiá. Ko ha faifekau ia. Naʻá ne akoʻi ʻa e tuʻi ʻo e kau Leimaná ʻi he fonuá kotoa.
Naʻe fehuʻi ʻe ʻĒlone ki he tuʻí pe ʻoku tui nai ki he ʻOtuá. Naʻe pehē ʻe he tuʻí te ne tui kapau ʻe talaange ʻe ʻĒlone ʻoku moʻoni ʻa e ʻOtuá. Naʻá ne kole kia ʻĒlone ke talanoa lahi ange fekauʻaki mo e ʻOtuá.
Naʻe lau ʻe ʻĒlone ʻa e folofolá ki he tuʻí. Naʻá ne akonaki kau ki hono fakatupu ʻo e māmaní. Naʻá ne akonaki kau ki he palani ʻa e ʻOtuá. Naʻá ne fakamatala ki he tuʻí fekauʻaki mo Sīsū Kalaisi.
Hili iá, naʻe lotu ʻa e tuʻí. Naʻá ne fehuʻi ki he ʻOtuá pe naʻe moʻoni e meʻa naʻe lea ʻaki ʻe ʻĒloné. Naʻe maʻu ʻe he tuʻí ʻa e talí naʻe moʻoni ia!
Naʻe tui ʻa e tuʻí ki he meʻa naʻe akoʻi ʻe ʻĒloné. Naʻe tui foki mo e tokotaha kotoa pē ʻi hono falé. Naʻe papitaiso kinautolu pea naʻa nau fili ke muimui ʻia Sīsū Kalaisi.