“Pagsunod ni Jesus didto sa Barbados,” Higala, Agosto 2024, 6–7.
Pagsunod ni Jesus didto sa Barbados
Himamata si Antonio!
Giunsa ni Antonio sa Pagsunod kang Jesus
Si Antonio nagsunod ni Jesus pinaagi sa pagpakigbahin sa iyang pagpamatuod. Usa niana ka Dominggo sa wala pa mosimba, si Antonio nakahukom nga siya mopakigbahin sa iyang pagpamatuod atol sa panagtigom sa pagpamatuod niana nga adlaw. Gisulat niya ang iyang pagpamatuod diha sa usa ka notebook ug mibasa gikan niini. “Akong gipakigbahin ang akong pagtuo nga si Jesukristo namatay diha sa krus ug nga Siya nahigugma sa matag usa kanato ug nagpakabana kanato,” misulti siya.
Si Antonio nasayod nga ang pagpakigbahin sa iyang pagpamatuod motabang niya nga mobati sa Espiritu Santo. Magtabang usab niya nga mobati nga duol sa iyang lolo kinsa namatay pipila ka tuig ang milabay. Siya misulti, “Nasayod ako nga ang akong lolo ug ang iyang tibuok pamilya nagsuporta nako, ug nga nagtabang nga ang akong pagpamatuod motubo!”
Bahin ni Antonio
Edad: 11
Gikan sa: St. Michael, Barbados
Pinulongan: Iningles
Mga Tumong: 1) Moadto sa templo aron magpabunyag alang sa iyang lolo. 2) Mahimong usa ka piloto. 3) Mahimong usa ka propesyonal nga magdudula og football.
Mga Kalingawan: Moadto sa baybayon, magdula og football, ug magdula og bidyo nga mga dula uban iyang mga higala
Pamilya: Antonio, Mama, Papa, ug magulang nga igsoong lalaki
Mga Paborito ni Antonio
Istorya sa Basahon ni Mormon: Sa dihang si Nephi nagkuha sa mga palid nga tumbaga gikan ni Laban (tan-awa sa 1 Nephi 4)
Tradisyon sa Pamilya: Maniudto sa Pasko kauban ang kaparyentehan
Prutas: Mga Strawberry
Kolor: Asul
Awit sa Primary: “Popcorn Namukhad” (Songbook sa mga Bata, 118)
Mga Paghulagway pinaagi ni Mike Mullan