“Usa ka Tibuok Kalibotan nga Pamilya,” Higala, Agosto 2024, 32–33.
Higala ngadto sa Higala
Usa ka Tibuok Kalibotan nga Pamilya
Gikan sa usa ka interbiyo ni Bradley Salmond III ug Rebekah Jakeman.
Mga Paghulagway pinaagi ni Yev Haidamaka
Sa dihang bata pa ako, ang akong mga ginikanan boluntaryo nga nagtrabaho sa lainlaing nasod. Gusto usab akong motabang sa mga tawo sa tibuok kalibotan. Mao nga sa pagdako nako, nahimo akong usa ka doktor. Nakatrabaho na ko karon sa daghang lain-laing mga nasod nga nagtabang sa katawhan. Ang akong pamilya ug ako nalingaw nga makauban ang mga Santos sa Ulahing mga Adlaw niini nga mga dapit. Malipayon kaayo sila ug malaumon. Ug gihigugma nila si Jesukristo ug ang Iyang ebanghelyo.
Ang akong mga anak kanunay nga moadto sa Primary uban sa ubang mga bata nga dili sama nila og panagway o nagsulti sa samang pinulongan. Apan silang tanan anak sa Langitnong Amahan. Siya nakaila ug nahigugma sa matag usa kanato. Matag usa nato kabahin sa Iyang pamilya.
Nanghinaot ko nga kamong mga bata sa Primary nasayod nga kamo kabahin sa usa ka espesyal kaayo nga tibuok kalibotan nga pamilya. Bisan unsa pa man, gihigugma kamo sa atong Langitnong Amahan. Siya adunay dako nga paglaom alang kanato—nga mahimong sama Kaniya. Matag usa kanato adunay bili. Kon anaa kanato ang ebanghelyo, ang mga butang nga makapabulag kanato, sama sa atong kultura, unsa nga pinulongan ang atong gisulti, o diin kita nagpuyo, dili na kinahanglang magbahin kanato. Tungod kay kita makakita sa usag usa sa tinuod natong pagkatawo—mga igsoon, mga anak sa Dios.
Tigpangita og Higala
Kitang tanan kabahin sa pamilya sa Langitnong Amahan! Makita ba ninyo ang mga bata diha sa mga litrato nga haum sa matag porma?