Pagkat-on mahitungod sa Basahon ni Mormon

Ang Bandila sa Kalingkawasan

Si Kapitan Moroni naggunit og espada ug ang bandila sa kalingkawasan

Si Kapitan Moroni usa ka maayo kaayo nga lider. Siya misunod sa Dios. Siya mitabang sa mga Nephita sa pagpanalipod sa ilang mga pamilya.

Gigisi ni Moroni ang usa ka piraso sa iyang kupo aron himoong bandila. Gisulatan niya kini og mga pulong aron matabangan ang mga tawo nga mahinumdom sa ilang kagawasan, relihiyon, ug kalinaw. Si Moroni midapit kanila sa paghimo og saad sa pagpanalipod sa ilang mga pamilya. Gibitay niya ang bandila sa matag tore.

Gitawag nila og bandila sa kalingkawasan. Ang bandila sa kalingkawasan midasig sa mga Nephita sa pagbarog alang sa unsay matarong. (Tan-awa sa Alma 46:11–20.)

Paggamit og usa ka piraso nga papel o poster sa paghimo sa inyong kaugalingon nga bandila sa kalingkawasan. Pagsulat og mga pulong o pagdrowing og mga hulagway nga mopahinumdom ninyo sa pagsunod ni Jesukristo. Ipakigbahin kanamo kon unsa ang inyong gihimo!

Dula Bahin sa Kasulatan [Scripture Challenge]

• Unsa ang mipuno sa kalag ni Alma sa dihang siya nag-ampo alang sa kapasayloan? (Alma 36:20)

• Unsa ang gihatag ni Kapitan Moroni sa iyang ka tawhan aron “sa pagpanalipod sa ilang mga ulo”? (Alma 43:19)

• Kinsa ang labaw nga gobernador nga gisulatan ni Kapitan Moroni? (Alma 61:1)

Mga Tubag: hingpit nga kalipay; mga taming; Pahoran

Makabasa Ako sa Basahon ni Mormon!

Pagkahuman nimo og basa, kolori ang usa ka bahin sa litrato. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako.

• Semana 1: Alma 37:37

• Semana 2: Alma 40:23–25

• Semana 3: Alma 43:45

• Semana 4: Alma 62:50–51

Koloranan nga pahina sa usa ka Nephita nga pamilya nga nag-uban sa pag-ampo

Istorya nga naa sa PDF

Mga Paghulagway pinaagi ni Corey Egbert