5 ka Paagi sa Pagbatok sa mga Tigbugal-bugal

Mga bata nga nag-isa og mga karatula ug mga data-poster

Paghulagway pinaagi ni Mark Robison

Mahimong makahadlok ang mag-atubang og tigbugal-bugal. Apan anaa ninyo ang hingpit nga ehemplo ni Jesukristo aron sundon, ug anaa ang Iyang kusog uban kaninyo. Kon ang usa ka tawo dili mabinatinon kaninyo ug sa uban, kamo mahimong mobuhat kon unsa ang insakto! Ania ang lima ka paagi:

Sultihi ang tawo sa paghunong. Sa kusog nga tingog, sultihi ang tawo sa paghunong sa dili maayo niya nga pagtrato kaninyo o sa lain nga tawo. Hunahunaa ang mga higayon nga si Jesukristo mibadlong sa katawhan nga dili mabination Niya ug sa uban (tan-awa sa Juan 8:3–11). Siya motabang kaninyo sa pagbuhat og sama niini.
Mopahawa. Usahay ang pagpahawa mao ang labing maisogon nga butang nga mabuhat sa tawo. Ginhawa og lawom ug pahawa. Kon makakita ka og usa ka tawo nga gibugal-bugalan, duola ug awhaga sila nga mokuyog kaninyo, ug palayo lang mo.
Mag-ampo. Ang pag-ampo gamhanan! Mag-ampo alang sa kaisog ug kaluoy. Tingali katingalahan kini, apan pag-ampo usab alang sa mga tigbugal-bugal! “Mag-ampo kamo sa Langitnong Amahan,” miingon si Elder Neil L. Andersen. “ … Magiyahan kamo sa unsay buhaton. Moabli Siya sa mga pultahan, motangtang sa mga ali, ug motabang sa paglatas sa mga babag.”
Hinumdomi ang inyong bili isip anak sa Dios. Dili na importante kon unsa ang isulti ni bisan kinsa nga tawo nganha o mahitungod ninyo—kini dili gayod makausab sa unsa kadako ang gugma sa Langitnong Amahan kaninyo. Hinumdomi ug tuohi gayod kini nga kamatuoran, ug mobati kamo nga mas nalig-on ug mas nagmaisogon. Kanunay nga itratar ang uban isip mga anak usab sa Dios.
Magmabination. Mamahimo ka nga ehemplo sa pagkamabination. Si Jesukristo nagtudlo kanato nga kini ang labing maayo nga paagi sa pag-atubang sa mga tigbugal-bugal. “Higugmaa ninyo ang inyong mga kaaway, ug pag-ampo kamo alang sa mga magalutos kaninyo ” (Mateo 5:44).