E mea ’oa’oa te tātarahapara’a !

Nā te peresideni Dallin H. Oaks

Tauturu hō’ē i roto i te Peresidenira’a Mātāmua

Fa’anahohia nā roto mai « Tāmāhia e te tātarahapa », Liahona, Mē 2019, 91–94.

E mea ’oa’oa te tātarahapara’a. E tuha’a faufa’a roa teie i roto i te fa’anahora’a a te Atua. E tītauhia ia tātou pā’āto’a e tātarahapa.

Nō te tātarahapa, e ti’a ia tātou e ha’amata ma te fa’aro’o ia Iesu Mesia. E ti’a ia tātou e fa’aru’e i tā tātou mau hara ’e ’ia fā’i i te reira. Te aura’a o te reira te ’itera’a ē ’ua hape tātou, te paraura’a ’ia fa’a’ore mai tā ’outou hapa i te feiā tā tātou i ha’apēpē, ’e te mā’itira’a ’ia rave i te mau mā’itira’a maita’i a’e. Tītau-ato’a-hia ia tātou ’ia rave i te ’ōro’a mo’a i te mau mahana sābati ato’a.

’Ia tātarahapa ana’e tātou, e mā ïa tātou. ’Ua parau fafau mai te Fatu « e ’ore [’oia] e ha’amana’o fa’ahou [i tā tātou mau hara] » (Te Ha’api’ira’a Tumu ’e te mau Fafaura’a 58:42). ’Auē ïa parau fafau ē ! ’Auē ïa temeio ! ’Auē ïa ha’amaita’ira’a ē !

’Ua māhora te rima o tō tātou Fa’aora here nō te fa’ari’i i te feiā ato’a e tātarahapa ’e e pe’e iāna.

’Ua mā fa’ahou

’A rave i teie ’ohipa ri’i nō te tauturu ia ’outou ’ia ha’api’i mai nō ni’a i te tātarahapara’a !

Fa’a’ī i te hō’ē fāri’i i te pape teatea. I muri iho ’a tu’u i te tahi mau ’ōfa’i ’e te repo i roto i te pape. E fa’ahōho’a te reira i te mau mā’itira’a tano ’ore tā tātou e rave nei.
Nō te fa’ariro fa’ahou mai ia tātou e mea mā, e tītauhia ia tātou e fa’aea i te rave i te hape. Nō te fa’ahōho’a i te reira, ’a ’īriti i te mau ’ōfa’i i rāpae i te fāri’i. Mai te aha huru o te pape i teienei ? E mea repo noa ā ?
Nō te tātarahapa hope roa, e hina’aro tātou ia Iesu Mesia. E ti’a ’ia roa’a ia tātou te fa’aro’o iāna ’e i tāna tāra’ehara. ’A tāpe’a i te fāri’i pape i raro a’e i te rōpīnē. ’A vaiiho i te pape mā ’ia tahe noa i roto i te fāri’i e tae roa ’ia pau te pape repo i rāpae ! E fa’ahōho’a te reira i te mana tā Iesu Mesia e vai ra nō te tauturu ia tātou ’ia riro mai ’ei mea mā.

Fa’ahōho’ara’a nā Alyssa Tallent