Te fifi nō te tai’ora’a i te pāpa’ira’a mo’a

E nehenehe te mau pāpa’ira’a mo’a e tauturu ia tātou ’ia putapū i te tāmāhanahanara’a ’e te here nō ’ō mai i tō tātou Metua i te ao ra. E nehenehe ’outou e hāmani i te hō’ē fifi nō te pāpa’ira’a mo’a, nō te tai’o i te taime e ’ite ai ’outou te pe’ape’a ’aore rā, te ’oto.

Te mau hōho’a vare’au tē vai ra te tahi mau ’īrava pāpa’ira’a mo’a tā ’outou e nehenehe e fa’a’ohipa. E nehenehe ato’a ’outou e tu’u ato’a i tā ’outou iho mau ’īrava au roa a’e.

’A ani i te hō’ē metua ’aore rā i te hō’ē ta’ata fa’atere o te Paraimere ’ia tauturu mai !

’A hāmani i te hō’ē tāpura nō tā ’outou mau ’īrava pāpa’ira’a mo’a au roa a’e.
I roto i tā ’outou pāpa’ira’a mo’a, ’a ’ite mai i te ’īrava mātāmua nō tā ’outou tāpura. ’A fa’a’ohipa i te hō’ē pēnitara ’ū nō te rēni maita’i i te ’īrava.
I pīha’i iho, ’a pāpa’i i te ’īrava fa’ahoro (’aore rā te nūmera ’api, mai te mea e mea ’ōhie a’e nō ’outou) nō te ’īrava pāpa’ira’a mo’a i muri iho o te tāpura. I muri iho ’a haere i taua ’īrava ra ’e ’a rēni atu i te reira.
’A tāmau noa i te rēni i te mau ’īrava ’e i te pāpa’i i te fa’ahorora’a o te ’īrava pāpa’ira’a mo’a nō muri iho. ’Ia rēni ana’e ’outou i te ’īrava hope’a nō tā ’outou tāpura, ’a pāpa’i i te ’īrava fa’ahoro o te pāpa’ira’a mo’a o te ’īrava mātāmua tā ’outou i rēni.

Ioane 14:27: « E hau tā’u e vaiiho ia ’outou nei, ’o tō’u nei hau tā’u e hō atu nō ’outou ; e ’ere mai tā tō te ao nei hōro’a tā’u e hōro’a ia ’outou. ’Eiaha e taiā i tō ’outou ’ā’au, ’eiaha ho’i e mata’u ».
Te Ha’api’ira’a Tumu ’e te mau Fafaura’a 68:6 : « Nō reira, ’a fa’aitoito ’e ’eiaha e mata’u, nō te mea tei pīha’i iho vau ’o te Fatu, ia ’outou na, ’e e ti’a noa ho’i au i pīha’i iho ia ’outou ».
Maseli 3:5 : « E ti’aturi ia Iehova ma tō ’ā’au ato’a ra ».
HT&F 121:7 : « ’Ia vai te hau i roto i tō ’oe vārua ; e vai poto noa tō ’oe fifi ’e tō ’oe mau ’ati ».
HT&F 45:62 : « ’Oia mau tē parau atu nei au ia ’outou na, e mau mea faufa’a rahi roa tē vai nei nō ’outou na ».
Maseli 3:24 : « ’Ia ta’oto ’oe i raro ra, e ’ore ïa e mata’u ; e ta’oto noa ho’i ’oe i raro, ’e e māha tō ’oe ta’oto ».