Te pe’era’a ia Iesu i Timipāpue

Fārereira’a ia Sariah !

E mea nāhea Sariah i te pe’e ia Iesu

E fifi i te pae ea tō Sariah. E rave ’oia i te rā’au nō te tauturu iāna. ’Ua māuruuru roa ’oia nō tōna orara’a. « Tē tauturu nei te Fa’aora iā’u, nō reira ’aita e ha’ape’ape’ara’a », tē nā reira ra ’oia.

« ’Ia rohirohi ana’e tō’u metua vahine, e hina’aro ’oia i te hō’ē ta’ata nō te ha’uti ’e tō’u teina tuahine », ’ua parau Sariah. E tauturu Sariah iāna ma te hīmenera’a, te amora’a, ’e te ha’utira’a nā muri iāna.

’O Sariah te ta’ata mātāmua e ’ite ’ia ’oto āna’e tōna māmā, ’e e tauahi noa ’oia iāna. « Te tauturura’a ia vetahi ’ē e hōro’a mai iā’u te ’oa’oa », tāna ïa i parau. « I te tauturura’a i tō’u ’utuāfare iho ā rā ».

Nō ni’a ia Sariah

Matahiti : 7

Nō ō mai i : Te tuha’a fenua apato’erau hitia’a o te rā, i Timipāpue

Mau reo : Peretāne, shona

Mau fā : 1) ’Ia riro ’ei ta’ata ’ori. 2) Ia riro ’ei taote.

Fa’a’ana’anataera’a : Ha’uti ’e te mau hoa

’Utuāfare : Sariah, māmā, pāpā, tu’ana taea’e pa’ari, tu’ana tuahine pa’ari, teina tuahine

Te mau mea e au-roa-hia e Sariah

’Ā’amu o te Buka a Moromona : I tō Iesu Mesia ha’amaita’ira’a i te mau tamari’i ’āti Nephi (hi’o 3 Nephi 17)

Tau fa’afa’aeara’a : Pāsa

Hotu : Te mau ’āpara ’e te mā’a vine

’Ū : ’Ute’ute

Hīmene Paraimere : « The Sixth Article of Faith » (Children’s Songbook, 126)

E nehenehe ato’a ’outou e pe’e ia Iesu !

E aha tā ’outou i rave nō te pe’e ia Iesu ? ’A pāpa’i mai ’e ’a fa’a’ite mai ia mātou ! ’A huri i te ’api tāpo’i nō muri nō te hi’o e nāhea ra.