’Ia ora na nā Timipāpue mai !

’A ha’api’i mai nō ni’a i te mau tamari’i a te Metua i te ao ra ’ati a’e te ao nei.

Tei ’Afirita apato’a ’o Timipāpue. Hau atu i te 16 500 000 ta’ata e ora ra i reira.

Te mau reo

E 16 reo mana i Timipāpue. Teie te tahi, shona, ndebele, ’e peretāne—nō te fa’a’ite noa atu te tahi !

Livukile !

Te aura’a o te reira « ’ia ora na ! » i te reo ndebele.

E fārereira’a a te peropheta

I te ’āva’e ’Ēperēra 2018, ’ua tere atu te peresideni Nelson ’e te tuahine Nelson i Timipāpue. ’Ua hīmene e rave rahi hānere tamari’i « E tamari’i au nā te Atua » nō rāua.

E topara’a pape nehenehe mau

Te mau topara’a pape Victoria i Timipāpue ’o te topara’a pape rarahi roa a’e ïa nā te ao nei. E fa’aro’ohia te haruru hau atu i te 40 km te ātea !

Mau ’ānimara fa’ahiahia mau

E rave rahi fenua ’aihere i Timipāpue. Te tahi mau ’ānimala e ora nei i reira o te mau liona ïa, te mau pua’a-pape, te mau temera, te mau īpara, ’e te mau ’erefani.

Mau ’ohipa ri’i

Anoihi ’erefani

Tē vai ra i Timipāpue te piti o te nana ’erefani rahi roa a’e i te ao nei !

1. ’A tāpūpū i te hō’ē menemene papie rahi nō te upo’o ’e e piti menemene papie na’ina’i a’e nō te tari’a. E tāpiri i muri iho i te tari’a i ni’a i te upo’o.

2. ’A tāpūpū i te hō’ē ’oeha papie roa nō te hāmani i te ihu-rōroa. E tūfetu i te reira nā mua haere i muri ’ia riro mai ’ei hōho’a āniranira.

3. ’A tāpūpū e piti tara pāruru ’erefani.

4. ’A pāpa’i hōho’a i teienei nā mata ’e te ’ata’ata nō tā ’oe ’erefani. I muri iho, ’a tāpiri i te mau tara pāruru ’e te ihu-rōroa i ni’a iho !

Tāpura hāmanira’a mā’a

Muriwo Unedovi (rau’ere matie i te pata ’aratita)

E mā’a tumu te Muriwo unedovi i Timipāpue. Teie te hō’ē ravera’a ’o tā ’oe e nehenehe e tāmata !

1. Tāpūpū 1 oniani ’e ’a tunu atu i roto i te hō’ē farai pāni ’e te hinu e 3–5 minuti. Tāpūpū e 2 tōmāti ’e ’a tu’u atu i roto i te farai pāni. ’A tunu fa’ahou e 3–5 minuti.

2. Tāpūpū fa’ahu’ahu’a e 10 ’āu’a iti fāfā (2400 ml) (’aore rā hō’ē rauere matie tā ’outou i mā’iti) ’e ’a tu’u i roto i te pāni. Vaiiho te mau pota matie vaipāhia e 5 minuti te maoro.

3. ’A tu’u i roto e 2 punu tāipu rahi pata ’aratita, 1/4 ’āu’a iti pape (59 ml),’e e 1/2 punu tāipu na’ina’i ’ōniāni piropiro puehu. E ’āno’i maita’i ’e ’a tu’u i te tahi ma’a miti ’ia tano te monamona.

’A ani i te tauturu a te hō’ē ta’ata pa’ari !

Fa’ahōho’ara’a nā Katie Rewse