Tē pure nei Nephi nō te nūna’a

E peropheta Nephi ’Ua pi’ihia ’oia ’o Nephi i muri a’e i te fa’ari’ira’a i te mau ’api veo. ’Ua pe’ape’a ’oia nō te nūna’a. ’Ua fa’aea rātou i te pe’e i te Atua.

’Ua haere Nephi i roto i tōna ’āua. ’Ua pa’i’uma ’oia i ni’a i te hō’ē pare i roto i te ’āua ’e ’ua pure i te Atua i reira. ’Ua pure ’oia nō te nūna’a.

’Ua ’ite atu vetahi mau ta’ata ia Nephi i ni’a i te pare. ’Ua fa’aea rātou nō te fa’aro’o ’e ’ua ha’aputuputu mai i te tahi nō te fa’aro’o. I te otira’a Nephi i te pure, ’ua ’ite atu ’oia ē, tē hi’o mai ra rātou ’e ’ua ha’amata i te ha’api’i ia rātou.

’Ua ’ani Nephi i te nūna’a ’ia tātarahapa. ’Aita vetahi o rātou i au i te mea tā Nephi e ha’api’i ra. E rave rahi rā tei fa’aro’o atu ! ’Ua mā’iti rātou e tātarahapa ’e ’ua taui i tō rātou haere’a.

Fa’ahōho’ara’a nā Andrew Bosley