’O vai mau ’outou

Nā Elder Kevin W. Pearson

Nō te Hitu ’Ahuru

Mai roto mai i te hō’ē uiuira’a e ’o Olivia Kitterman ’e ’o Diana Evelyn Nielson.

Tē here nei tō tātou Metua i te ao ra ia tātou. Tē hina’aro nei ’oia e tauturu ia tātou ’ia ’ite ’o vai tātou. ’Ua poiete ’oia i tō tātou vārua hou tātou ’a haere mai ai e ora i ni’a i te fenua nei. E mau tamāroa ’e e mau tamāhine tātou nā te Atua.

I te tahi taime, e ’ite mai tātou i te mana’o mo’emo’e ’aore rā, te mana’o pe’ape’a e’ita roa atu tātou e tae i terā fāito. ’Ua ’ite maita’i Iesu Mesia i te mea tā tātou e putapū nei. E tauturu mai ’oia ia tātou ’ia upo’oti’a i ni’a i te mau tāmatara’a ato’a. E nehenehe te mau ’ohipa fifi ’o tā tātou e fa’aruru nei i roto i teie orara’a e tauturu ia tātou, ’ia riro hau atu mai ia Iesu Mesia te huru mai te peu e fāriu atu tātou iāna ra.

E tauturu te ’evanelia ia tātou ’ia hi’o ia tātou iho mai tā te Metua i te ao ra e hi’o nei ia tātou. Nā roto i tō tātou fa’aro’o ia Iesu Mesia, e nehenehe tō tātou mau tāmatara’a e huri ’ei mau ha’amaita’ira’a. Te ’itera’a ’o vai ’outou ’e nāhea te Atua ’ia hi’o ia ’outou, e riro te reira ’ei ha’amaita’ira’a nō te mau huru ta’ata ato’a, nō te fāito matahiti ato’a !

’Ia māramarama ana’e tātou ē, ’o vai tātou nei ’ei tamari’i nā te Atua, e nehenehe tātou e rōtahi i ni’a i te huru ta’ata tā te Metua i te ao ra e hina’aro ’ia riro mai tātou. E fa’aruru tātou i tō tātou mau tāmatara’a ’e ’Ōna. Noa atu ā e ’ere tātou i te mea parauti’a ’e e rave tātou i te mau hape, e nehenehe tātou e ’ite mai i te tīa’ira’a ma te ’itera’a e mau tamari’i tātou nā te Atua.

’A ’ite mai i tei auhia

E mea ta’a ’ē tātou pā’āto’a. E mau tāreni ta’a ’ē tō tātou, e mau hō’ā’ā [goût] ’e e mau au-’ore-ra’a ta’a ’ē. E mau tamari’i pā’āto’a rā tātou nā te Atua !

’A fa’a’ohipa i te mau fa’a’itera’a nō te fa’a’ī i te tāpura ’e ’a ’ite mai e aha tā teie mau hoa ta’a ’ē e ’ana’anatae ra. Fa’a’itera’a : ’A tu’u i te tāpa’o X i pīha’i iho i te mea tā ’outou i ’ite e ’ere i te parau mau. Te mātāmua ’ua ravehia ïa nō ’outou. ’Ia oti tā ’outou ravera’a, e ti’a i te ’āna’ira’a tāta’itahi ’ia vai hō’ē ’āfata tāpa’o ’ore.

E ’ere te ta’ata fa’ata’i piāna ’o Amara ’e ’o Jade.
’Aita Max e au i te nūmerara’a.
’Aita hō’ē a’e tamāroa e fa’ata’i i te hō’ē ’upa’upa ’aore rā e rave i te karate [taputō tāpone].
Te tamāhine e au nei i te mau ’ānimara, e ’ere ïa ’o Amara.
’O Kai ana’e e au nei i te taora te pōpō i roto i te ’ete.

Fa’ahōho’ara’a nā Sabrina Gabrielli