E aha te mea e ha’ape’ape’a nei i tō ’oe ferurira’a ?

’Aita vau e au nei e tāmata i te mau ’ohipa ’āpī nō te mea e hape noa vau. E aha te mea tā’u e ti’a e rave ?

—Maita’iroa i te ’oire nō Panama

E Maita’iroa ē,

Tē mana’o nei paha ’oe ē, mai te mea ’aita ’oe e rave maita’i roa i te mau mea, ’ua riro ïa ’oe ’ei paura’a. E ’ere rā te reira i te parau mau ! ’Oia mau, e nehenehe te mau hape e tauturu ia ’oe ’ia ha’api’i mai ’e ’ia ha’amaita’i atu ā ia ’oe.

E tauturu mai te Metua i te ao ra ia tātou ’ia ha’api’i mai ma’a vāhi iti ’e ma’a vāhi iti (hi’o Te Ha’api’ira’a Tumu ’e te mau Fafaura’a 98:12). ’Āhiri i te rōtahira’a i ni’a i te rirora’a ’ei mea maita’i roa, ’a tāmata na i te rōtahi i ni’a i tō ’outou putura’a rahi ’e ’ia riro marū noa mai mai Iāna te huru. ’A mā’imi mai i te mau mea tā ’outou e rave maita’i. ’A ’ohipa i te fa’ataui i te mau mana’o ’ino nō ni’a ia ’outou iho ’ei mau mana’o maita’i. Te mea faufa’a roa atu ā, ’ia rave ’outou i te hō’ē hape—’aore rā e 20 hape—e huti hōhonu i te aho, ’a pure ’e ’a tāmau fa’ahou ā !

Ma te here,

Te Hoa

’A fa’ariro i teie mau pāpa’ipa’ira’a ’ei anoihi !

’Ua ha’amata te hō’ē ta’ata i teie mau hōho’a pāpa’i, ’ua fa’aru’e rā nō te mea ’ua feruri ’oia ē, e ’ere te reira i te mea maita’i roa. ’A fa’a’ohipa i tō ’outou ferurira’a o te hāmanira’a nō te fa’aoti i te hōho’a tāta’itahi. E hi’o ana’e e aha tē tupu mai ’ia tāmau noa tātou i te rave !

Faʼahōhoʼaraʼa nā Josh Talbot