E ’āparaura’a ’e ’o Teancum nō ni’a i te mau pāpa’ira’a mo’a

Nō Fiji mai ’o Teancum. ’Ua uiui mātou iāna i te tahi mau uira’a nō ni’a e mea nāhea tōna ha’api’ira’a mai nā roto mai i te Buka a Moromona.

’A fa’a’ite’ite mai na ’o vai ’oe.

E iva matahiti tō’u ’e ’o vau te mea ’āpī a’e i roto i nā e ono tamari’i. Tā’u ’ū au roa ’o te ’ute’ute ïa, ’e tā’u mā’a au roa ’o te moa tā re’a tehutehu ’e te raiti. Mea au nā’u e ha’uti i te fa’ahorora’a pōpō ! Te tahi mea ta’a ’ē roa nō’u nei ’o tō’u ïa i’oa. Nō roto mai tō’u i’oa mātāmua i te hō’ē ’aito nō te Buka a Moromona, tō’u i’oa piti nō roto mai i tō’u tonton nō Nītēria, ’e tō’u paera’a nō Fītī ïa.

E aha te mea tei tauturu ia ’oe ’ia ha’api’i mai i te mau pāpa’ira’a mo’a ?

Mea au nāʼu e tai’o i te mau pāpa’ira’a mo’a ’e tō’u ’utuāfare. E ’imi ’āmui maita’i mātou i te mau ha’api’ira’a o te Mai, pe’e mai. Mea au nā’u e ha’api’i mai i te mau ’ā’amu ’āpī i te hepetoma ato’a. E paraparau mātou i te mea tā mātou i ha’api’i mai ’e e fa’a’ite i tō mātou ’itera’a pāpū te tahi i te tahi. ’Ia tai’o ana’e au i te mau pāpa’ira’a mo’a, e mea au ato’a nā’u e feruri iā’u iho i roto i te mau ’ā’amu.

Nāhea te mau pāpa’ira’a mo’a i te tauturu ia ’oe ?

E fa’aha’amana’o te mau pāpa’ira’a mo’a iā’u ’ia vai toa [brave] noa ’e te itoito ’e ’ia pure ’ia tāmāhanahanahia. I te mau taime ato’a e ri’ari’a vau ’aore rā e ’ite au te vai ’ōtahira’a, ’ua ’ite au e tāmāhanahana noa mai te Vārua Maita’i iā’u.

E aha tā ’oe ’ā’amu au roa a’e o te Buka a Moromona ?

Tā’u ’ā’amu au roa o te Buka a Moromona ’o te ’ā’amu ïa o Teanekuma, nō te mea e ti’a fa’atere rahi ’oia ’e e ’aito. ’Ua ’aro ’oia nō tōna ’utuāfare, tōna mau hoa ’e te ’Ēkālesia. ’Ua ’ite au e nehenehe ato’a vau e riro mai iāna i te huru ’e ’ia pāruru tāmau noa i te mea tā’u i here roa a’e.

E aha te a’o tā ’oe e hōro’a i te hō’ē ta’ata e mea fifi iāna ’ia hāro’aro’a i te mau pāpa’ira’a mo’a ?

Mai te mea tē fifi rā te hō’ē ta’ata ’ia ha’api’i mai i te mau pāpa’ira’a mo’a, e nehenehe ’oia e ani i tō tōna māmā ’aore rā i tōna pāpā, ’aore rā i tōnā mau taea’e ’e mau tuahine e tauturu mai iāna. ’Ua tauturu maita’i mai tō’u ’utuāfare iā’u. E nehenehe ato’a ’oe e ani i te hō’ē ’orometua o te Paraimere ’aore rā i te hō’ē ta’ata fa’atere i te fare purera’a !

Faʼahōho’araʼa nā Augusto Zambonato