Ang Pakig-istorya kang Teancum mahitungod sa mga Kasulatan

Si Teancum gikan sa Fiji. Gipangutana namo siya og pipila ka pangutana bahin kon giunsa niya pagkat-on sa Basahon ni Mormon.

Sultihi kami bahin sa imong kaugalingon.

Ako siyam na ka tuig ug kinamanghoran sa unom ka anak. Ang akong paborito nga kolor kay pula, ug ang akong paborito nga pagkaon kay chicken curry nga dunay kan-on. Ganahan ko magdula og rugby! Ang nakapatalagsaon kanako mao ang akong ngalan. Ang akong unang ngalan gikan sa usa ka manggugubat sa Basahon ni Mormon, ang akong ikaduhang ngalan gikan sa akong tiyo nga taga-Nigeria, ug ang akong apilyedo kay taga-Fiji.

Unsa ang nakatabang nimo nga makat-on gikan sa mga kasulatan?

Ganahan ko nga magbasa sa mga kasulatan uban sa akong pamilya. Kami nagtuon gikan sa Dali, Sunod Kanako nga mga leksiyon. Ganahan ko nga magkat-on og bag-ong mga istorya matag semana. Maghisgot mi kon unsa ang among nakat-onan ug ipakigbahin ang among mga pagpamatuod sa usag usa. Kon magbasa ko sa mga kasulatan, ako usab nga hunahunaon ang akong kaugalingon diha sa mga istorya.

Sa unsang paagi ang mga kasulatan nakatabang kanimo?

Ang mga kasulatan nagpahinumdom kanako nga magmaisugon ug mag-ampo alang sa kahupayan. Kon mahadlok ko o mag-inusara, nasayod ko nga ang Espiritu Santo kanunay nga mohupay nako.

Unsa ang imong paborito nga istorya sa Basahon ni Mormon?

Ang akong paborito nga istorya sa Basahon ni Mormon mao ang istorya bahin ni Teancum tungod kay siya usa ka talagsaon nga lider ug manggugubat. Makig-away siya alang sa iyang pamilya, sa iyang mga higala, ug sa Simbahan. Kabalo ko nga mapareha pud ko niya ug kanunayng modepensa kon unsa ang akong gimahal pag-ayo.

Unsa nga tambag ang imong ikahatag sa usa ka tawo nga naglisod sa pagsabot sa mga kasulatan?

Kon ang usa ka tawo naglisod sa pagkat-on sa mga kasulatan, pwede silang maohangyo sa ilang mama o papa o gani sa ilang mga igsoon sa pagtabang nila. Ang akong pamilya nakatabang gayod kanako. Mahimo usab kamong mohangyo sa magtutudlo o lider sa Primary diha sa simbahan!

Mga paghulagway pinaagi ni Augusto Zambonato