Ko e Talanoa ʻo e Kilisimasí

Fai ʻe Abby Larkins

ʻI he kuonga muʻá, naʻe hā ha ʻāngelo ki ha finemui ko hono hingoá ko Mele.

Naʻe fakahā ange ʻe he ʻāngeló te ne maʻu ha pēpē ko Sīsū hono hingoá pea te Ne hoko ko e Fakamoʻui ʻo e māmaní.

Kimuʻa pea fāʻele ʻa Melé, naʻá ne fononga mo hono husepāniti ko Siosefá ki Pētelihema.

ʻI heʻena aʻu atú, naʻe ʻikai ha loki maʻanaua ʻi he fale tali-fonongá.

Naʻe ʻasi ha fetuʻu foʻou ʻi he langí ʻi he pō ko iá.

ʻI he taimi naʻe ʻaloʻi ai ʻa Sīsuú, naʻe fakatokoto Ia ʻe Mele ʻi ha ʻaiʻangakai ʻo e manú.

Naʻá ne takatakai ʻaki Ia ha tupenu ke fakamāfanaʻi mo malu.

Naʻe ʻaʻahi ha ʻāngelo ki he kau tauhisipí ʻo fakahā kiate kinautolu ʻa e ongoongo fakafiefiá. Kuo hāʻele mai ʻa e Fakamoʻuí!

Naʻe fakatovave atu ʻa e kau tauhisipí ki he fale tauhiʻanga ʻo e fanga manú ʻo ʻilo ʻa e pēpē ko Sīsuú ʻoku tokoto ʻi ha ʻaiʻangakai ʻo e manú.

Naʻe fiefia ʻaupito ʻa e kau tauhisipí! Naʻa nau ō ʻo tala ki he niʻihi kehé kuo ʻaloʻi ʻa Sīsū Kalaisi.

Te tau lava foki ʻo vahevahe ʻa e ongoongo fakafiefia ʻo hono ʻaloʻi ʻo Sīsuú—ʻi he taimi Kilisimasí pea maʻu ai pē!