Mālohi ʻo e Palaimelí

Fai ʻe ʻEletā James W. McConkie III

ʻO e Kau Fitungofulú

Mei ha ʻinitaviu mo Abby Larkins mo Bradley Salmond III.

Naʻá ku hoko mo hoku uaifí ko ha ongo taki fakamisiona ʻi he Lepapulika Sekí mo Silovākiá. Naʻá ku fie ʻalu ki he Palaimeli kotoa pē ʻi he feituʻú. Naʻá ku saiʻia ʻi he ngaahi ʻaʻahi ko ʻení. Lolotonga ʻeku ʻi aí, naʻá ku ako ha meʻa ʻe tolu fekauʻaki mo e fānau Palaimelí.

ʻUluakí, naʻá ku ʻiloʻi te ke lava ʻo ongoʻi mo ʻiloʻi ʻa e Laumālie Māʻoniʻoní.

Uá, naʻá ku ʻiloʻi ʻokú ke fie ako fekauʻaki mo e ngaahi meʻa fakalaumālié.

Tolú, naʻá ku ʻiloʻi ʻoku ʻafioʻi koe ʻe he Tamai Hēvaní. ʻOkú Ne finangalo ke ke maʻu ha ngaahi aʻusia fakalaumālie.

Lolotonga ʻeku ngaahi ʻaʻahí, naʻá ku talanoa mo e fānaú fekauʻaki mo ha ngaahi meʻa lahi. Naʻa mau talanoa fekauʻaki mo e Laumālie Māʻoniʻoní, papitaisó, mo e fakatomalá. Naʻá ku vahevahe foki mo kinautolu ʻeku fakamoʻoni ki he Tohi ʻa Molomoná. Naʻá ku talaange te nau lava foki ʻo maʻu ha fakamoʻoni ki he Tohi ʻa Molomoná.

Ko kimoutolu fānau ʻa e kau taki ʻo e Siasí ʻi he kahaʻú! Ko kimoutolu te mou fai ha liliu ʻi he kahaʻú. Pea ko e Palaimelí ko ha feituʻu makehe ia te ke lava ai ʻo ako fekauʻaki mo e ongoongoleleí mo ongoʻi ʻa e Laumālie Māʻoniʻoní.

Te ke lava ʻo maʻu ha fakamoʻoni ki he Tohi ʻa Molomoná, neongo pe ko e hā ho taʻu motuʻá. Te ke lava ʻo ako ʻa e folofolá mo ʻiloʻi ʻa e founga ke mahino ai ʻa e ongoongoleleí. ʻOku ou falala atu. ʻOku falala mai ʻa e Tamai Hēvaní kiate koe. Te ke lava ʻo fakahoko ha ngaahi meʻa fakaofo.

Ngaahi Fakatātā Fakaemāmani Lahi ʻo e ʻAloʻí

Ko e taha ʻo e ngaahi fakatātā ko ʻeni ʻo e ʻAloʻí mei he Lepapulika Sekí, ʻa ia naʻe ʻaʻahi ai ʻa ʻEletā Makongikī ki he fānau Palaimelí ʻi heʻene hoko ko e taki fakamisioná. Muimui ʻi he ngaahi halá ke ʻiloʻi ʻa e feituʻu ʻoku haʻu mei ai ʻa e ngaahi fakatātā ʻo e ʻaloʻí.