“Mālō e Lelei mei Kōlea Tonga!” Ko e Kaumeʻá, Tīsema 2024, 8–9.
Mālō e Lelei mei Kōlea Tonga!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
ʻOku tuʻu ʻa Kōlea Tonga ʻi ʻĒsia Hahake. ʻOku laka hake ʻi he kakai ʻe toko 50 milioná ʻoku nofo ʻi aí.
Ngaahi Lea Fakafonuá
Ko e lea fakaʻofisialé ʻa e lea faka-Kōleá. ʻOku tokolahi foki mo e kakai ʻi ai ʻoku nau lea faka-Siapani, Manitalini, mo e faka-Pilitānia.
Tohi ʻa Molomoná
Naʻe paaki ʻa e Tohi ʻa Molomoná ʻi he lea Faka-Kōleá ʻi he 1967. Talu mei ai, naʻe langa ha temipale ʻi he kolomuʻá, Soulu. ʻE langa mo ha temipale ʻe taha ʻi Pusani.
Chuseok
Ko e kātoanga ututaʻu ko ʻení ʻa e taha ʻo e ngaahi ʻaho mālōlō mahuʻinga taha ʻi Kōlea Tongá. ʻOku fakataha mai ʻa e ngaahi fāmilí ke vahevahe ʻa e meʻakaí, fai ha ngaahi talanoa, ʻoatu ha fakamālō, mo ako fekauʻaki mo ʻenau ngaahi kuí.
Fakafaʻahinga ʻo e Lanú
ʻOku lanu kehekehe ʻa e ʻū tekisī ʻi Kōlea Tongá. Ko e tekisī angamahení ʻoku lanu hinehina pe siliva. Ko e ʻū tekisī mamafa angé ʻoku lanu ʻuliʻuli. Ko e tekisī fakavahaʻapuleʻangá ʻoku lanu moli, pea ʻoku ʻi ai ha ngaahi lea fakafonua ʻoku lava ke lea ʻaki ʻe he fakaʻulí.
Ngaahi tā fakatātā ʻa Soljee Lee