“Ko e Hā ʻOku Tau Tui Vala Hina Ai ʻi he Temipalé?,” Ko e Kaumeʻá, Tīsema 2024, 22.
Ngaahi Kaati Temipalé
Ko e Hā ʻOku Tau Tui Vala Hina Ai ʻi he Temipalé?
ʻŪ tā fakatātā ʻa Rachel Erickson
ʻOku tau tui ha teunga hina ʻi he temipalé ke fakamanatu mai ʻe lava ke ngaohi kitautolu ke tau haohaoa mo maʻa ʻo fakafou ʻia Sīsū Kalaisi. ʻOkú ne toe fakahaaʻi foki ʻoku tau tatau kotoa pē ʻi he ʻao ʻo e ʻOtuá. Kuo talaʻofa mai ʻe he kau palōfitá ko e taimi te tau fakahoko ai ʻa e ngāue fakatemipalé, ʻe fakafonu ʻetau moʻuí ʻaki ʻa e melinó mo ha taumuʻa.
Temipale Seoul Korea
-
ʻOku ngaohi ʻa e ngaahi holisi ʻi tuʻá ʻaki ʻa e maka kalānite mei he ʻotu moʻungá.
-
ʻOku ʻi ai ha tumuʻaki tōtao ʻe ono ʻi he temipale ko ʻení. Ko e lōloa tahá ko e fute ʻe 112 (34 m) hono māʻolungá.
-
Ko e fuofua temipale ʻeni naʻe langa ʻi Kōleá. Naʻe fakatapui ia ʻi he 1985 ʻi he kolomuʻá, Soulu.
Temipale Guayaquil Ecuador
-
Naʻe fai ʻa e tanupoú ʻi he ʻaho tauʻatāina ʻo ʻEkuatoá.
-
Kuo ui ia ko e “fale fakaʻofoʻofa taha ʻi ʻEkuatoá.”
-
Naʻe ngāue mālohi ʻa e kāingalotu ʻo e Siasí ke fakamaʻa ʻa e temipalé ʻi he poʻulí ke fai ʻa e ʻoupenihausí.