“Ngaahi Meʻafoaki Fakalaumālié,” Ko e Kaumeʻá, Tīsema 2024, 24–25.
Ako fekauʻaki mo e Tohi ʻa Molomoná
Ngaahi Meʻafoaki Fakalaumālié
Ko Molonaí ko ha palōfita. Naʻá ne tohi ʻi he Tohi ʻa Molomoná fekauʻaki mo e Tamai Hēvaní mo Sīsū Kalaisi.
Naʻá ne tohi foki fekauʻaki mo e ngaahi meʻafoaki fakalaumālié. Ko ha ngaahi talēniti ʻeni kuo foaki mai ʻe he ʻOtuá kiate kitautolu ʻo fakafou ʻi he Laumālie Māʻoniʻoní. Te nau lava ʻo tāpuakiʻi kitautolu mo fakaʻatā ke tau tāpuekina foki mo e niʻihi kehé.
Naʻe akoʻi ʻe Molonai ʻoku lahi ʻa e ngaahi meʻafoaki fakalaumālié. Ko e niʻihi ʻo e ngaahi meʻafoaki naʻá ne fakahingoá ko e ʻilo, tui lahi, mo e fakahoko ha ngaahi mana lalahi (vakai, Molonai 10:8–19).
ʻOku maʻu ʻe he tokotaha kotoa pē ha ngaahi meʻafoaki fakalaumālie—kau ai koe! Te ke lava ʻo fehuʻi ki he Tamai Hēvaní mo ho ngaahi ʻofaʻangá pe ko e hā hoʻo ngaahi meʻafoaki fakalaumālié.
Ko e ngaahi meʻafoaki fakalaumālie kehe ko e angaʻofa, fakafanongo, pea mo e hoko ko ha tokotaha faʻa fakaleleí.
Tukupā ʻo e Folofolá
-
Ko e tuí ko e ngaahi meʻa ia ʻoku ʻamanaki ki ai kae ʻikai ke hā? (ʻEta 12:6)
-
Ko e ʻofa faka-Kalaisí ko e ʻofa haohaoa ia ʻa hai? (Molonai 7:47)
-
Ko e hā ʻoku totonu ke ke kole ki he ʻOtuá ʻi he taimi ʻokú ke lau ai ʻa e Tohi ʻa Molomoná? (Molonai 10:4)
Te u Lava ke Lau ʻa e Tohi ʻa Molomoná!
Hili hoʻo laú, valivali ha konga ʻo e fakatātaá. Te ke lava ʻo lau ʻa e ngaahi potufolofola ko ʻeni ʻoku fekauʻaki mo e laukonga ʻo e uike takitaha mei he Haʻu, ʻo Muimui ʻIate Aú.
-
Uike 1: ʻEta 12:27
-
Uike 2: Molonai 4–5
-
Uike 3: Molonai 7:41
-
Uike 4: Molonai 10:32
-
Uike 5: Mōsaia 3:5–10
ʻŪ tā fakatātā ʻa Corey Egbert