Ako Faka-Kilisimasi

Fanga kiʻi Puha Kilisimasi ʻOlikamí

Pelu ua ha laʻipepa tapafā fakalōloa mo fakatafaʻaki. Hili iá pea folahi hake.
Fulihi hake ʻa e laʻipepá pea peluki ʻa e ngaahi tulikí ki lotomālie.
Peluki ki lotomālie ʻa e ongo tafaʻaki ki ʻolungá mo e tafaʻaki ki laló.
Folahi, fulihi ʻa e foʻi tapafaá, pea toe peluki e konga ki ʻolungá mo e konga ki laló ki lotomālie.
Folahi. Fakaava leva ʻa e laʻipepa ʻi he toʻohemá mo e toʻomataʻú.
Peluki ʻa e konga ki ʻolungá mo lalo ki lotomālie.
Tekeʻi ʻa e ngaahi tulikí ki lotomālie kae ʻoua kuo faʻu ʻe he ngaahi foʻi pelú ha kiʻi puha.
Peluki ʻa e ngaahi tulikí ʻi he ongo tafaʻakí pea fakahū kinautolu ki lalo.
Toe fai pē ʻa e ngaahi sitepu tatau ke faʻu ʻa e tāpuní.

Tuifio ha ipu mahoaʻa ʻe 4 (515 g) mo e ipu māsima ʻe 1 (300 g). Heu māmālie ki loto ha ipu vai māmāfana ʻe 1½ (ml 355).
Tomuʻa fakamoʻui ʻa e ʻōvani ki he mafana ko e 350°F (177°C). Natu leva ʻa toú ʻi ha miniti ʻe nima.
Faʻo ʻa e toú ʻi he vahaʻa ʻo e ongo laʻipepa taʻó (waxed paper) pea lolaʻi ʻaki ʻa e papa lolá.
Kosi pe tā ha ngaahi fuo ʻi he toú. ʻAi ha kiʻi foʻi ava ʻi ʻolunga ke fakatui ai ʻa e foʻi afó.
Taʻo ʻa e ngaahi fuó ʻi ha laʻipepa taʻo ʻi ha houa ʻe taha pe tali kae ʻoua kuo fefeka ʻa e fanga foʻi meʻa teuteu kilisimasí.
ʻI he taimi ʻe mokomoko aí, teuteuʻi ia ʻi he teuteu pē te ke fiemaʻú.

Fakaʻaongaʻi ha helekosi pe ko ha peni vahevahe ke hokaʻi pe kosi ha ngaahi foʻi ava ʻi he pepa fakalanulanú ʻi he faʻahinga sīpinga pē te ke fiemaʻú.
Tepiʻi takai ʻa e laʻipepá ʻi ha foʻi hina sioʻata pea faʻo ha kiʻi foʻi teʻelango pe maama siʻisiʻi ʻi loto.
Tamateʻi ʻa e ʻuhilá pea sio ki he ulo ʻa e fakatātā mei he sīpingá.