“Ko e Muimui Fakataha ʻia Sīsuú,” Ko e Kaumeʻá, Tīsema 2024, 20–21.

Ko e Muimui Fakataha ʻia Sīsuú

Tā fakatātā ʻe ha kiʻi tamasiʻi ʻa e fale tauhiʻanga ʻo e fanga manú mo e fetuʻu ʻi Pētelihemá

Taylor F., taʻu 10, ʻAitahō, ʻIunaiteti Siteiti ʻo ʻAmeliká

Tā ʻe ha kiʻi tamasiʻi hono ʻīmisí ʻi ha laʻisima, ʻaki ʻa e sioká

Heath G., taʻu 9, Kalolaina Tokelau, ʻIunaiteti Siteiti ʻo ʻAmeliká

Tā fakatātā ʻe ha kiʻi tamasiʻi ʻa e fononga ʻa Siosefa mo Mele ki Pētelihemá

Clairana E., taʻu 11, ʻInitiana, ʻIunaiteti Siteiti ʻo ʻAmeliká

Tā fakatātā ʻe ha kiʻi tamasiʻi hono fua ʻe Mele ʻa e Pēpē ko Sīsuú

Celine S., taʻu 10, Nevata, ʻIunaiteti Siteiti ʻo ʻAmeliká

Tā fakatātā ʻe ha kiʻi tamasiʻi ʻa e foʻi fetuʻu ʻi Seilahemala ʻi hono ʻaloʻi ʻo Sīsuú

“Fetuʻu ʻo Seilahemalá,” Emily D., taʻu 11, Mīsuli, ʻIunaiteti Siteiti ʻo ʻAmeliká

Ko e faʻu ʻe ha kiʻi tamasiʻi ha ngāue fakameaʻa ʻi he fōtunga ʻo ha fale tauhiʻanga ʻo e fanga manú ʻi Pētelihema

Vea W., taʻu 11, Meleleni, ʻIunaiteti Siteiti ʻo ʻAmeliká

Naʻá ku sio ki ha fakakaukau mei he #FakamaamaeMāmani ke fai ha tohi ki ha kaungāmeʻa ʻo talaange ʻa e ʻuhinga ʻoku ou houngaʻia ai ʻiate kinautolú. Naʻá ku tohi ai ki hoku kaungāmeʻa ʻoku kau ki ha siasi ʻe taha. ʻI heʻeku ʻoange kiate ia ʻa e tohí, naʻá ne malimali pea naʻá ku ongoʻi fiefia.

Luis R., taʻu 10, Seni Huani, Pueto Liko

ʻOku ou ongoʻi ʻa e ʻofa ʻa e Tamai Hēvaní mo Sīsū kiate aú, ʻi he taimi ʻoku ou lotu aí.

Caston N., taʻu 9, Masonaleni Hahake, Simipāpuē

Naʻe puke maʻu pē ʻeku kui tangatá. Naʻá ku ʻaʻahi kiate ia ʻi heʻene tokoto ʻi falemahakí ke ʻoua te ne ongoʻi loto-mamahi mo taʻelata.

Keanu M., taʻu 8, Tahiti, Falanisē Polinisiá

ʻOku mau ngaohi ha ʻū meʻaʻofa maʻa homau fāmilí ʻaki ʻa e papá, pepá, mo e kuluú, ki he Kilisimasí. ʻOku mau lau ha talanoa ʻi he pō kotoa pē ʻi heʻemau tohi māhina lau ʻaho ki he Kilisimasí, pea mau ʻalu ʻo fakapaheke ʻoneʻone ʻi he ngaahi tafungofunga ʻoneʻone ofi ki he feituʻu ʻoku mau nofo aí!

Washington, Liberty, Maren, mo William R., taʻu 6, 9, 10, mo e 3, Vahefonua Fakahahaké, Sauti ʻAlepea

Ko e Kilisimasí ko ha taimi makehe ia ki hoku fāmilí. ʻOku mau kai fakataha ʻa e asado (papakiu faka-ʻĀsenitina). ʻOku mau ongoʻi uouangataha ange he ʻoku mau feohi mo ʻemau ngaahi kuí, mehikitangá, faʻētangatá, mo e fanga kāsiní.

Sofia N., taʻu 8, Vahefonua Lio Nekolō, ʻĀsenitina

Naʻá ku maʻu ha meʻa vaʻinga meʻa tunu ʻi ha taʻu ʻe taha ʻi he Kilisimasí. ʻI he Kilisimasi hono hokó naʻá ku fanongo ai fekauʻaki mo ha kiʻi tamasiʻi naʻe ʻikai haʻane meʻa vaʻinga. Naʻe faingataʻa ia kiate au, ka naʻá ku ʻoange ki ai ʻeku meʻa vaʻinga meʻa tunú.

Jackson B., taʻu 7, Folōlita, ʻIunaiteti Siteiti ʻo ʻAmeliká