Ko e Mamata ʻa Nīfai ki he Pēpē ko Sīsuú

Ko hono akoʻi ʻe Līhai ʻa Nīfaí, mo e lotu ʻa Nīfaí

Naʻe mamata ʻa Līhai ko e tamai ʻa Nīfaí, ʻi ha mata meʻa-hā-mai kia Sīsū Kalaisi. Naʻe fiemaʻu ʻe Nīfai ke mamata foki ki he mata meʻa-hā-mai ko ʻení. Naʻá ne lotu ʻo kole ke mamata ki he meʻa naʻe mamata ki ai ʻene tamaí.

Ko e mamata ʻa Nīfai kia Mele ʻi ha mata meʻa-hā-mai

Naʻe fakahā ʻe he Laumālie Māʻoniʻoní kia Nīfai ʻa e mata meʻa-hā-mai tatau. Naʻe mamata ʻa Nīfai ki ha finemui ko Mele hono hingoá. Naʻe pehē ʻe he Laumālie Māʻoniʻoní te ne hoko ko e faʻē ʻa Sīsū Kalaisi ko e ʻAlo ʻo e ʻOtuá.

Ko e mamata ʻa Nīfai kia Mele mo e Pēpē ko Sīsuú ʻi ha mata meʻa-hā-mai

Naʻe mamata ʻa Nīfai ki he pēpē ko Sīsuú mo Mele. Naʻe pehē ʻe he Laumālie Māʻoniʻoní ʻe hāʻele mai ʻa Sīsū ki he māmaní ke tokoniʻi ʻa e fānau ʻa e Tamai Hēvaní.

Ko hono hiki ʻe Nīfai ʻene mata meʻa-hā-maí; taʻahine ʻokú ne lau ʻa e folofolá

Naʻe mamata ʻa Nīfai ki he moʻui ʻa Sīsū Kalaisí. Naʻá Ne mamata kiate Ia ʻi Heʻene tokoniʻi mo akoʻi ʻa e kakaí. Naʻe ako ʻe Nīfai ha ngaahi meʻa lahi fekauʻaki mo e Fakamoʻuí. Te ke lava foki ʻo ako fekauʻaki mo Ia ʻaki haʻo lau ʻa e folofolá.