Tohi ʻe Koe

Ko ʻEmau Fakatātā ʻo e ʻAloʻí mei Natulá

Fai ʻe Uesilī, Makena, ʻOtilī, mo ʻEvelini K., taʻu 13, 9, 6, mo e 1, ʻIutā, ʻIunaiteti Siteiti ʻo ʻAmeliká

Naʻa mau ʻaʻahi ʻi he Kilisimasi kuo ʻosí ki heʻemau ongo kui uá ʻi Hauaiʻi, ʻIunaiteti Siteiti ʻo ʻAmeliká. Naʻa mau fakakaukau ke faʻu ha fakatātā maka ke manatua ai ʻa e talanoa ʻo hono ʻaloʻi ʻo Sīsū Kalaisí. Naʻa mau maʻu ʻa e fakakaukaú mei ha fakamafola kimuʻa ʻo e Kaumeʻa ki he Kaumeʻá.

Naʻe hoko ʻa e Kilisimasí ʻi he ʻaho Sāpate. Hili ʻa e lotú, naʻe hangatonu atu homau fāmilí ki he matātahí. Naʻa mau kumi ha ngaahi meʻa ke fakaʻaongaʻi ʻi heʻemau fakatātā ʻo e ʻAloʻí mei natulá. Hili ʻemau ʻosí, naʻa mau fiefia fakataha ʻi he tō ʻa e laʻaá. Naʻa mau foki leva ki he ʻapi ʻo ʻemau ongo kui uá ke faʻu ʻa e fakatātaá.

Naʻe fakaofo ʻemau mamata kiate kinautolu ʻi heʻenau ʻosí. Ko ha manatu melie ʻeni ʻo e Kilisimasí he ʻikai ke toe ngalo ʻiate kimautolu!