“Сургаал ба Гэрээ: Тойм,” Өсвөр үеийнхний бат бөх байдлын төлөө, 2021 оны 1-р сар, 14–15.

Ирээд, Намайг дага

Сургаал ба Гэрээ: Тойм

Аннэлиза Гардинэр

Сүмийн сэтгүүлүүд

Зураг

Зураг

Иосеф Смит, Сидней Ригдон хоёр

Иосеф, Сидней хоёр, Анний Хэнри Надэр

Товч мэдээ

Хамгийн урт хэсэг: хэсэг 124 (145 шүлэгтэй)
Хамгийн богино хэсгүүд: хэсэг 13, 116 ба 120 (тус бүр 1 шүлэгтэй)
138 хэсэг, 2 албан тунхагтай.
Сургаал ба Гэрээний гол өгүүлэгч нь Есүс Христ юм.
Бусад судартай адилгүй нь эртний баримт бичгүүдээс орчуулаагүй.
Уг номон дахь ихэнх илчлэлтийг бошиглогч Иосеф Смит хүлээн авсан; бусдыг нь Бригам Янг (хэсэг 136), Жозеф Ф.Смит (хэсэг 138), Вилфорд Вүдрафф (Албан тунхаг 1), Спэнсэр В.Кимбалл (Албан тунхаг 2) нар хүлээн авчээ.

Энэ юу вэ?

Сургаал ба Гэрээ нь голчлон бошиглогч Иосеф Смитээр дамжуулан Бурханаас өгсөн орчин үеийн илчлэлтүүдийн цуглуулга юм. Эдгээр илчлэлтийн олон нь Иосефын болон Сүмийн бусад анхны гишүүдийн Бурханаас асуусан асуултуудын хариулт болон өгөгджээ.

Сургаал ба Гэрээ яагаад бий болсон бэ?

Сүмийн эхэн үед эдгээр илчлэлтийн цөөн хэдхэн, гараар бичсэн хуулбар байдаг байсан. 1831 онд Сүмийн удирдагчид Зарлигуудын номд илчлэлтүүдийг хэвлэн гаргахаар шийджээ. 1831 оны 11-р сард Зарлигуудын номын талаар ярилцаж байхдаа Иосеф илчлэлт хүлээн авсан ба энэ нь одоо Сургаал ба Гэрээний 1-р хэсгийн эхэнд байдаг.

Цаг тооллын шугам:

1823 Эхний илчлэлтийг цэдэглэсэн: хэсэг 2.
1833 Зарлигуудын ном хэвлэгдсэн. Танхайрагчдын дайрсны улмаас болж цөөн хэдхэн хувь л үлджээ. Мэри Элизабэт, Кэролин Амелиа Роллинс гэдэг өсвөр насны эгч, дүү хоёр номын аль болох олон хуудсыг чадах чинээгээрээ цуглуулан, тариан талбайд танхайрагчдаас нуугдсан.
1835 Анхны өргөнөөр хэвлэгдсэн хэвлэл. Үүнд нэмэлт илчлэлтүүд орсон ба нэрийг нь Сургаал ба Гэрээ болгон өөрчилжээ.
1844 Иосеф Смитийг алагдсаны дараа удалгүй хэвлэгдсэн энэ хэвлэлд илчлэлтүүд мөн хэсэг 135 нэмэгдэн орсон.
1847 Бригам Янг гэгээнтнүүдийг хэрхэн баруун зүг рүү нүүлгэх талаар зааварчилгаа хүлээн авсан тухай хэсэг 136.
1876 Энэ хэвлэлд 26 хэсгийг нэмсэн бөгөөд хэсгийг дотор нь шүлгүүдэд хуваасан анхны хэвлэл байв.
1890 Вилфорд Вүдрафф тунхаг гаргасан ба үүгээр Сүм дэх олон эхнэр авах явдлыг төгсгөл болгожээ (Албан тунхаг 1-ийг үзнэ үү).
1918 Жозеф Ф.Смит сүнсний дэлхийн талаар үзсэн үзэгдлээ хуваалцсан ба хэсэг 138
1921 Энэ хэвлэлээс эхлэн, Lectures on Faith хэсгийг багтаахаа болив.
1978 Спэнсэр В.Кимбалл санваарын талаар илчлэлт хүлээн авсан ба энэ нь Албан тунхаг 2 болсон.
1981 Энэ хэвлэлээр гарчгуудыг жигдлэн, холбогдох эшлэлүүд болон цөөн хэдэн илчлэлтийг нэмсэн.
2013 Энэ хэвлэлээр хэсгүүдийн гарчиг дахь түүхэн мэдээллийг шинэчилсэн.

Сургаал

Илчлэлтүүдийн эхний цуглуулгыг Зарлигуудын ном гэж нэрлэдэг байв. Хожим нь уг цуглуулгыг Сургаал ба Гэрээ гэж нэрлэсэн. Учир нь тэд “сүмийн сургаалын талаар” буюу товчоор “сургаал” (одоо Lectures on Faith гэдэг) гэж нэрлэгддэг цувралыг нэмсэн юм. 1921 оны хэвлэлээс хойш Lectures on Faith-ийг оруулахаа больсон боловч Сургаал ба Гэрээ гэдэг нэр нь хэвээр үлджээ.¹

Гэрээнүүд

Номын үлдсэн хэсэг нь Иосеф Смитийн хүлээн авсан илчлэлтүүдийг багтаадаг. Энэ хэсгийг “Их Эзэний гэрээнүүд болон зарлигууд” буюу товчоор “гэрээнүүд” гэж нэрлэдэг байжээ. Эхэн үеийн гэгээнтнүүд бошиглогчийн хүлээн авсан эдгээр илчлэлтийг Иосеф Смитийн сүнсээр өдөөгдсөн заавар болон Библийн орчуулга гэх мэт бусад бичмэлээс ялган тусгаарлахын тулд “гэрээнүүд” эсвэл “зарлигууд” гэж нэрлэдэг байв.²

Яагаад Сургаал ба Гэрээ өнөөдөр чухал вэ?

Сургаал ба Гэрээнд Есүс Христийн хүмүүстээ өгсөн илчлэлтүүд багтдаг. Энэ нь Бурхан бидний хүн нэг бүрийг нэрээр маань мэддэг гэдгийг болон Тэр бидний залбирлыг сонсож, асуултад маань хариулдгийг мөн Бурхан өнөөдөр ярьсаар байгааг бидэнд заадаг. Түүнчлэн энэ нь авралын төлөвлөгөөний талаар эрхэм сургаалыг заадаг бөгөөд Есүс Христийн Цагаатгалын талаар нэмэлт ойлголт өгдөг. Энэ нь Бурхан биднийг хэрхэн хайрладгийг мөн алдаа гаргах үед маань ч Өөрт нь ирэхэд биднийг дууддагийг дүрслэн харуулснаар биднийг тайтгаруулдаг.