“5 Paraan upang Maibahagi ang Ebanghelyo,” Para sa Lakas ng mga Kabataan, Hunyo 2021, 32.
Panghuling Salita
5 Paraan upang Maibahagi ang Ebanghelyo
Mula sa isang mensahe sa pangkalahatang kumperensya ng Abril 2019.
1. Lumapit sa Diyos
Kapag lalo kayong lumalapit sa ating Ama sa Langit, lalo kayong matatanglawan ng Kanyang liwanag at galak. Mapapansin ng ibang tao at magtatanong sila tungkol dito.
2. Punuin ang Inyong Puso ng Pagmamahal sa Ibang Tao
Sikaping tularan ang pag-ibig ni Cristo at mahabag sa iba. Mahalin at tratuhin sila bilang mga kapwa anak ng Ama sa Langit.
3. Sikaping Lumakad sa Landas ng Pagkadisipulo
Habang lumalalim ang inyong pagmamahal sa Diyos at sa Kanyang mga anak, gayundin ang inyong pangakong sundin si Jesucristo. Ang pagtahak sa landas ng pagkadisipulo ay kailangan ng pagsasanay. Ang pagkukuwento sa iba ng inyong pananampalataya ay magiging karaniwan at likas. Sa katunayan, ang ebanghelyo ay magiging mahalaga at kailangang bahagi ng inyong buhay na magiging hindi natural ang pakiramdam kapag hindi ninyo ito tinalakay sa iba.
4. Ibahagi ang Nasa Puso Ninyo
Sa anumang paraan na tila likas at karaniwan sa inyo, ibahagi sa mga tao kung bakit mahalaga sa inyo si Jesucristo at ang Kanyang Simbahan.
5. Magtiwala na Gagawa ng mga Himala ang Panginoon
Hindi ninyo trabaho ang i-convert ang mga tao. Iyan ang papel ng Espiritu Santo. Ang papel ninyo ay mahalin ang Diyos at ang inyong kapwa. Ipakita ito sa pamamagitan ng pag-anyaya sa kanila na lumapit at tingnan, lumapit at tumulong, at lumapit at makabilang. Gagawa ang Diyos ng mga himala sa pamamagitan ninyo upang pagpalain ang Kanyang minamahal na mga anak.