Нүдээ олсон хариулт

Селестиел хаант улс ямар байдаг вэ?

Тэнгэрлэг Эцэг, Есүс Христ хоёр селестиел хаант улсад амьдардаг.

Алдар суугийн зэрэглэлүүд, Анни Хэнри

Хэдийгээр бидэнд селестиел хаант улсын талаар бүх нарийн мэдээлэл байхгүй ч Их Эзэн үүний талаар хэд хэдэн маш хүчтэй үнэнийг илчилсэн. Бидний мэддэг зүйлсийн заримыг жагсаав:

• Тэнд амьдарна гэдэг нь Тэнгэрлэг Эцэг, Есүс Христ хоёрын оршихуйд төгс амилсан биетэйгээр Тэдний амьдардаг амьдралаар амьдарна гэсэн үг юм. Энэ амьдрал нь “хэзээ ч төгсөшгүй аз жаргалын байдалд” (Moзая 2:41) байдаг бөгөөд “баяслын бүрэн дүүрнийг” (3 Нифай 28:10) эдэлнэ гэсэн үг юм.

• Тэнд амьдардаг хүмүүс “Есүсээр дамжин төгс болгогдсон” бөгөөд “бүгд тэднийх болой” (Сургаал ба Гэрээ 76:59, 69).

• Энэ нь бүх хаант улсаас хамгийн агуу сүр жавхлант юм. Үүний сүр жавхланг нарны гэрэлтэй зүйрлэсэн байдаг.

• Бидний одоо энд байгаа гэр бүлийн харилцаа зэрэг холбоо харилцаа тэнд ч байх бөгөөд гэхдээ эдгээр нь “мөнхийн алдар суугаар хоёр дахин ихсэх болно” (Сургаал ба Гэрээ 130:2).

• Энэ нь гурван зэрэглэлтэй. Мөнхийн гэрлэлтээр лацдан холбогдсон, гэрээнүүддээ үнэнч байсан хүмүүс хамгийн дээд зэрэглэлд амьдардаг (Сургаал ба Гэрээ 131:1–4-ийг үзнэ үү).

• Дэлхий селестиел алдар сууг хүлээн авна (Сургаал ба Гэрээ 88:17–20-ийг үзнэ үү).