Tū’atira’a

Viviena K.

17, Tona

Mai te Paraimere mai ā, tō’u hina’arora’a ’ia riro ’ei misiōnare. I te ’ahuru-ma-piti-ra’a rā o tō’u matahiti, ’ua paruparu tō’u mana’o. E au ra ē, nō’u nei e mea ātea te matahiti nō te ha’amata i te tāvini i te hō’ē misiōni. ’Ua pe’ape’a vau ’ia topa atu vau i roto i te fa’ahemara’a. ’Ua mana’o vau ē, e nehenehe ato’a vau e ora i tō’u orara’a mai tā’u i hina’aro ’e ’eiaha e ha’ape’ape’a nō te fa’aineinera’a.

I tō’u rā paraparaura’a i tō’u nā metua nō ni’a i te tāvinira’a i te hō’ē misiōni, ’ua fa’aitoito mai rāua iā’u. ’Ua parau mai rāua iā’u ē, e tāmata noa Sātane i te fa’ahema iā’u ’ia rave ana’e au i te hō’ē mea maita’i nō tō’u Metua i te ao ra. ’Ua pure au nō te arata’ira’a, ’e ’ua fāri’i au ē tē ha’apāpū nei te Metua i te ao ra, e pārahi mai ’oia i pīha’i iho iā’u i te mau mahana ato’a.

Noa atu ē, i vai na vau i roto i te mau fa’ahemara’a ’e te mau tāmatamatara’a, ’ua vai pūai noa tō’u fa’aro’o. ’Ua ’ite au, mai te mea e fa’aineine au i teienei, nā roto ia Iesu Mesia, e nehenehe au e riro mai ’ei misiōnare mai tā’u i hina’aro noa na. E mea pa’ari paha, ’ua ’ite rā vau ē, tei pīha’i iho te Atua iā’u i roto i te mau mea ato’a tā’u e rave.

’A fa’a’ite i tō ’outou ’ā’amu ’e ’a tai’o i te mau ’ā’amu nō roto mai i te tahi atu feiā ’āpī i te StrivetoBe Instagram.