Hi’o pāpū ’o vai ’outou

Nā David Dickson ’e David A. Edwards ; fa’ahōho’ahia e Adam Koford

’Eiaha e vaiiho i te ao nei ’ia parau mai ’o vai ’outou.

e tamāhine e hi’o ra i tōna hōho’a i roto i te hi’o o te fare toa

E tāmata te ao nei i te parau atu ia ’outou i te mau mea nō ni’a ia ’outou iho e ’ere i te parau mau.

« E ’ere ’oe i te mea tu’iro’o maita’i ».

Te parau mau rā : e mea faufa’a a’e te auhoara’a mau i te ro’o.

e tamāroa e hi’o ra i tōna hōho’a i roto i te pape piha’a

« E’ita roa atu ’oe e manuia i te hō’ē a’e mea ».

Te parau mau rā : e nehenehe te fa’aro’o ’e te ’ohipa pa’ari e fa’atae ia ’oe i te mau vāhi ato’a.

e tamāhine e hi’o ra i tōna hōho’a i roto i te hi’o

« ’Auē ’oe ē— » « ’Aita iho ā ïa tā ’oe— » « Te ma’ua nō ’oe— »

Te parau mau rā : Tē hina’aro nei te Atua ’ia ’ite ’oe ia ’oe iho nā roto i te mata vārua.

e tamāroa e hi’o ra i tōna hōho’a i roto i te hi’o-i-muri o te pere’o’o

« E mea faufa’a ’ore ’oe ! »

Te parau mau rā : e tamari’i ’oe nā te Atua.

e tamaiti ’e e tamāhine e pāra’u ra i te pehu ’e tē ’ite ra i tō rāua hōho’a i roto i te pape

« ’Aita e ’āreareara’a ! »

Te parau mau rā : e ’itehia te ’oa’oa ’a fa’a’ite ai i te here o te Atua i te feiā ’ati a’e ia ’outou.

e tamāroa e hi’o ra i tōna hōho’a i roto i te ’avei’a

« E’ita roa atu ’oe e manuia i te hō’ē noa a’e mea ! »

Te parau mau rā : e ’ananahi ’ana’ana tō ’oe mai tō ’oe fa’aro’o.¹

« ’O tā’u ïa pure ’e tā’u ha’amaita’ira’a ē ’ia hi’o ana’e ’outou i tō ’outou hōho’a, e nehenehe ’outou e hi’o nā ni’a atu i te mau paruparu ’e tō ’outou iho mau fē’a’ara’a, ’e ’ia ’ite ē ’o vai mau rā ’outou : e mau tamāroa ’e e mau tamāhine hanahana nā te Atua Mana Hope ».

Peresideni Dieter F. Uchtdorf, Tauturu Piti i roto i te Peresidenira’a Mātāmua, « The Reflection in the Water » (Purera’a pae auahi nā te Feiā ’Āpī Pa’ari nō te Fa’anahora’a Ha’api’ira’a a te ’Ēkālesia, 1 nō Novema 2009), CESdevotionals.ChurfchofJesusChrist.org.

Fa’ata’ara’a

1. Hi’o Thomas S. Monson, « ’A fa’aitoito », ’āmuira’a rahi nō ’Ēperēra 2009 (Ensign ’aore rā Liahona, Mē 2009, 92).