« Tāpe’ara’a ’ārearea », Nō te Pūai o te Feiā ’Āpī, Tēnuare 2022.
Tāpe’ara’a ’ārearea
Mau rāve’a ’ia fa’aea tū’ati noa
Te fārereira’a te mata ’e te mata ’o te hō’ē ïa rāve’a maita’i roa nō te tū’ati atu ia vetahi ’ē. E’ita rā e nehenehe ia tātou ’ia fārerei tino noa. Teie te tahi mau ’ohipa ’ārearea e rave nā te ātea noa, e tano e hi’o i teie matahiti ’ei tīa’ira’a i te fārerei-tino-ra’a nō muri iho. Māuruuru ia Sarah F. nō California (Marite) nō te hāponora’a mai i te reira !
-
E hāpono i te hō’ē hono nō te hō’ē ’api fa’a’ūra’a, e nene’i i te reira i te fare, e fa’a’ū i te reira, ’e e fa’a’ite atu i tā ’outou hōho’a i roto i te vāhi pāpa’ira’a a te pupu. I muri iho e pāpa’i i te hō’ē parau ’ārearea i muri ’e e hāpono i te reira i te hoa.
-
Hāmani i te hō’ē video 10 setoni nō te hō’ē ’ori ’ārearea ’e e fa’a’ite i te reira i te pupu.
-
Fa’atupu i te hō’ē tata’ura’a hōho’a mata ma’ama’a.
-
E hi’opo’a i te mau ata ma’a mahana ri’i noa hou te hō’ē putuputura’a natirara. E pata te mau ta’ata ato’a i te mau hōho’a o te mau ata mai te hōho’a nō te hō’ē tao’a, i muri iho e fa’a’ite ’āmui i te mau hōho’a ’e e fa’a’ite mai e aha tō rātou mana’o i te hōho’a o te mau ata.
-
Fa’atupu i te hō’ē horora’a tāvinira’a. E hi’o e hia ’ohipa tāvinira’a tā te melo tāta’itahi o te pupu feiā ’āpī e nehenehe e rave i roto i te hō’ē hepetoma, ’e i muri iho ’a fa’a’ite mai i te mau ’ā’amu manuia.
-
E ’aitaui i te mau hāmanira’a mā’a au roa a’e. E fa’a’ite i tā ’oe hāmanira’a mā’a nā ni’a i te video, i muri iho e tāmā’a ’āmui.
-
E fa’atupu i te ha’uti patara’a hōho’a o te mau tao’a i roto i te fare. ’A hāmani i te hō’ē tāpura nō nā 10 tao’a e ’imi i roto i tō ’oe fare. Te ta’ata mātāmua e hāpono i te hō’ē hōho’a nō nā 10 tao’a ato’a tē upo’oti’a !
-
E fa’atupu i te hō’ē tata’ura’a ’ahu nā ni’a i te natirara ma te mau tauha’a i roto i tō ’oe fare. ’A mā’iti nō vai te ’ahu maitai a’e, te mea ’ārearea roa a’e, te mea ma’au roa a’e, ’e tē vai atu ra.
-
E fa’atupu i te hō’ē horora’a parau ha’apōpou. ’A fa’a’ite i te parau ha’apōpou ato’a e nehenehe e parau i te tahi ’e te tahi i roto i te hō’ē pō ’aore rā i te hō’ē tau roa atu ā.
Tē vai ra ānei te tahi atu ā mau ha’uti tā ’oe e tu’u atu i roto i teie tāpura ? ’A hāpono i te reira i te ftsoy@ChurchofJesusChrist.org ’ia nehenehe ia mātou ’ia fa’a’ite i te reira i te tahi atu feiā ’āpī.
E Ti’aturi ia Iehova ma tō ’ā’au ato’a ra
Pāpa’i hōho’a i te hō’ē mea e tū’ati i te tumu parau a te feiā ’āpī nō teie matahiti.
Te ’ē’a i te mau fā
’Ua ha’amau ānei ’outou i te tahi mau fā nō te fa’ahotura’a ia ’outou iho ’ei tuha’a nō Te mau tamari’i ’e te feiā ’āpī nō teie matahiti ? Teie te tahi fa’aineinera’a iti nō te fa’a’ohipa i nā tuha’a rarahi e maha o te fā rahi. ’A hi’o e nehenehe ānei tā ’oe e haere nā roto i te ’ē’a ta’aminomino ma te haere nā te mau tuha’a e maha hou ’a tae atu ai i te pū !
Faʼahōhoʼaraʼa nā Josh Talbot
Hōho’a ’ārearea
E ta’ata ānei tei ’ite i tā’u rā’au tā’irira’a pōpō ?
Val Chadwick Bagley