« ’Ua nāhea te fenua nei i te poietera’ahia ? », Nō te Pūai o te Feiā ’Āpī, Tēnuare 2022.
Pāhono ’āfaro atu
’Ua nāhea te fenua nei i te poietera’ahia ?
« Hāmani ihora te Atua i te ra’i ’e te fenua i te mātāmua ra » (Genese 1:1). ’Ua nāhea ïa ’oia i te ravera’a i te reira ? Teie te tahi mau mea tā tātou i ’ite :
Nā Iesu Mesia i poiete i te fenua. ’Ua arata’i te Metua i te ao ra i te ’ohipa nō te Poietera’a ; ’Ua rave Iesu Mesia i te reira nā roto i te mana o te autahu’ara’a. « Nā roto i tā’u ra Fānau tahi i hāmani ai au i… te fenua » (Mose 2:1).
’Ua fa’anahohia te ao nā roto i te mau mea e vai nei, ’aita rā i hāmanihia ma te mātēria ’ore. « E rave tātou i teie nei mau mātēria, ’e e hāmani tātou i te hō’ē ao » (Aberahama 3:24).
’Ua tupu te Poietera’a i roto e ono ta’ahira’a. ’Ua tupu te tahi mau mea i roto i te tuha’a tāta’itahi o te Poietera’a. ’Ei hi’ora’a, ’ua tae mai te mau rā’au i roto i te hō’ē, te mau ’ānimara nō te moana ’e te mau manu i roto i te tahi, te mau ’ānimara ’e te mau ta’ata i roto i te tahi atu mau tuha’a.
’Aita i fa’ata’ahia te rahira’a taime nō te mau tuha’a o te poietera’a. I te tahi taime e parau te mau pāpa’ira’a mo’a i te mau tuha’a « te mau mahana », ’aita rā te reira e parau ra ē, e mahana 24 hora. Tē parau ra te hō’ē fa’ati’ara’a nō ni’a i te « mau taime » (hi’o Aberahama 4). ’Aita tātou i ’ite i te roara’a nō te reira.
E pāhonohia mai rā tā tātou mau uira’a nō ni’a i te poietera’a i te hope’a. « ’Ia tae i te reira mahana e tae mai ai te Fatu ra, nāna ïa e heheu mai i te mau mea ato’a […] te mau mea nō te fenua nei, ’o tei nā roto i taua mau mea ra te reira i hāmanihia ai » (Te Parau Ha’api’ira’a ’e te mau Parau Fafau 101:32–33).