Parau hope’a

Tō tātou arata’i i te parau mau

Nā te Peresideni Dallin H. Oaks

Tauturu mātāmua i roto i te Peresidenira’a Mātāmua

Dallin H. Oaks

Nō roto mai i te hō’ē a’ora’a i te ’āmuira’a rahi nō ’Ātopa 2004.

hō’ē tamaiti i piha’i iho i te mau tāpa’o purumu

Fa’ahōho’ara’a nā Emily Davis

Mai tō ’outou ti’araa i ni’a i te ’ē’a o te orara’a nei, e rave rahi maile tā ’outou e haere ’e e rave rahi mau mā’itira’a e rave ’a ’imi ai ’outou i te ho’i i tō tātou Metua i te ao ra. I ni’a i te purūmu e rave rahi mau tāpa’o e tārape mai nei. ’O Sātane te tumu nō te tahi o teie mau anira’a. Tē ’imi nei ’oia ’ia fa’aturori ’e ’ia fa’ahema ia tātou, ’ia arata’i ia tātou i ni’a i te hō’ē ’ē’a ha’iha’i roa e arata’i ’ē atu i tō tātou tāpaera’a mure ’ore.

te pōpō tahutahu

hōho’a fenua

Tē hina’aro nei au e fa’a’ite nāhea ’outou e ’ore ai e ha’avarehia. ’A tahi, ’ua ha’api’ihia ’outou i te parauti’a ’e ’ua ha’apāpūhia atu te parau mau o te reira, ’a tāpe’a noa i te reira. ’A pe’e māite i te mau pāpa’ira’a mo’a, nā tāna mau ha’api’ira’a e pāruru ia tātou i mua i te ’ino. Te piti, ’aita i nava’i te fāri’ira’a i te parau mau. E mea ti’a ato’a ia tātou ’ia rave i « te Vārua Mo’a ’ei arata’i [nō tātou] » ’e « ’eiaha [’ia] ha’avarehia » (Te Parau Ha’api’ira’a ’e te mau Parau Fafau 45:57).

e tamāhine e rave ra i te ’ōro’a mo’a

E nāhea tātou i te rave i te Vārua Mo’a ’ei arata’i nō tātou ? E ti’a ia tātou ’ia tātarahapa i tā tātou mau hara ’e ’ia fa’a’āpī i tā tātou mau fafaura’a nā roto i te ravera’a i te ’ōro’a mo’a i te hepetoma tāta’itahi ma te rima mā ’e te ’ā’au mā. I roto ana’e i teie rāve’a e roa’a ai ia tātou te fafaura’a hanahana ē, « ’ia vai noa tōna Vārua i roto ia [tātou] » (Te Parau Ha’api’ira’a ’e te mau Parau Fafau 20:77). Taua Vārua ra ’o te Vārua Maita’i ïa, tāna misiōni ’o te fa’a’ite-pāpū-ra’a ïa nō te Metua ’e nō te Tamaiti, ’o te ha’api’ira’a ia tātou, ’e ’o te arata’ira’a ia tātou i te parau mau.

Tārape : E tāmata i te rave i te mau mea e fāriu atu ’outou ’e ’aore rā te mau mea e pe’e atu ’outou.

Fa’ahema : E tāmata i te fa’ati’aturi ia ’outou i te hō’ē mea e ’ere i te parau mau.

Tāpaera’a : E vāhi i reira ’outou e haere ai. I’ō nei, ’o te bāsileia tiretiera ïa.

Fa’a’āpī i tā tātou mau fafaura’a : E fafau fa’ahou ’ia ha’apa’o i te mau fafaura’a tā ’outou i rave i mua i te Atua. E ravehia te reira i te mau taime ato’a e rave ’outou i te ’ōro’a mo’a.