“Fakafehokotaki,” Ki Hono Fakamālohia ʻo e Toʻu Tupú, Sānuali 2022, takafi muʻa ki lotó.
Fakafehokotaki
Viviena K.
17, Tonga
Talu mei heʻeku kei Palaimelí mo ʻeku fakaʻamu ke u hoko ko ha faifekau. Ka ʻi hoku taʻu hongofulu mā uá, naʻá ku loto-foʻi. Naʻe ngali fuʻu tāumamaʻo ʻa ʻeku taʻu motuʻa feʻunga ke ʻalu ʻo ngāue fakafaifekaú. Naʻá ku hohaʻa naʻa faifai kuó u tō ki he ʻahiʻahí. Naʻá ku fakakaukau mahalo ʻoku sai ke u moʻui ʻo fakatatau mo ʻeku faʻitelihá kae ʻoua te u tokanga ke mateuteu.
Ka ʻi heʻeku talanoa ki heʻeku ongomātuʻá fekauʻaki mo e ngāue fakafaifekaú, naʻá na poupouʻi au. Naʻá na talamai ʻe feinga maʻu pē ʻa Sētane ke ʻahiʻahiʻi au he taimi ʻoku ou fai ai ha meʻa lelei maʻa ʻeku Tamai Hēvaní. Naʻá ku lotua ha fakahinohino, pea naʻá ku ongoʻi e fakapapau mai ʻa e Tamai Hēvaní te Ne ʻiate au he ʻaho kotoa pē.
Neongo kuó u foua e ngaahi ʻahiʻahí mo e faingataʻá, ka ʻoku mālohi ʻeku tuí. ʻOku ou ʻiloʻi kapau te u teuteu he taimí ni, ʻe fakafou ʻia Sīsū Kalaisi ʻa ʻeku lava ʻo hoko ko ha faifekau hangē ko ia ne u faʻa fakaʻamua maʻu peé. Mahalo ʻe faingataʻa, ka ʻoku ou ʻiloʻi ʻe ʻiate au ʻa e ʻOtuá ʻi he meʻa kotoa pē te u fakahokó.