“Kiʻi Taimi Fiefiá,” Ki Hono Fakamālohia ʻo e To‘u Tupú, Sānuali 2022.
Kiʻi Taimi Fiefiá
Ngaahi Founga ke Kei Fetuʻutaki Aí
Ko e fetaulaki mata ki he matá ko ha founga lelei ia ke fetuʻutaki ai mo e niʻihi kehé. Ka he ʻikai lava ke tau kei fakataha maʻu ai pē. Ko ha ngaahi ʻekitivitī fiefia ʻeni he komipiutá ʻoku mahuʻinga ke fakakaukau ki ai he taʻú ni ke fakataha fiefia ange ai hoʻomou fakataha hokó. Fakamālō kia Sela F. mei Kalefōnia, USA, ʻi hono ʻomi ʻení!
-
ʻĪmeili ha fehokotakiʻanga ki ha peesi valivali, paaki ia ʻi ʻapi, valivali ia, pea vahevahe hano laʻitā ʻi he text ʻa e kulupú. Hili iá pea fai ha kiʻi tohi fiefia ʻi mui pea meili ia ki he kaumeʻá.
-
Faʻu ha foʻi vitiō hulohula fakaoli sekoni ʻe 10 pea vahevahe ia mo e kulupú.
-
Fakahoko ha feʻauhi faitā selfie fofonga fakaoli.
-
Siofi e ʻaó ʻi ha ngaahi ʻaho siʻi kimuʻa pea fai ha fakataha he komipiutá. Faitaaʻi ʻe he tokotaha kotoa pē ʻa e konga ʻao ʻoku hangē ha fakatātaá, pea fevahevaheʻaki ʻa e ʻū taá mo vahevahe ʻa e meʻa ʻoku nau pehē ʻoku fakafōtunga ʻe he konga ʻaó.
-
Fai ha feʻauhi ngāue tokoni. Vakai pe ko e hā e lahi e ngāue tokoni ʻe lava ke fai ʻe he mēmipa takitaha ʻo hoʻo kulupu toʻu tupú ʻi ha uike ʻe taha, pea vahevahe leva hoʻo ngaahi talanoa lavameʻá.
-
Fakafetongi mo e niʻihi kehé ʻa e founga feimeʻatokoni manakoá. Faitaaʻi hoʻo feimeʻatokoní he vitioó, pea mou maʻu meʻatokoni fakataha leva.
-
Fai ha kumi fakatātā fufū ʻi he ʻapí. Hiki ha lisi ʻo e ngaahi meʻa ʻe 10 kuo pau ke ke fekumi ki ai ʻi homou ʻapí. Ko e fuofua tokotaha ke ne ʻomi he telefoni toʻotoʻó ha fakatātā ʻo e meʻa kotoa ʻe 10, ko ia ʻe ikuná!
-
Fai ha feʻauhi fakahā teu he ʻinitanetí ʻaki ha ngaahi meʻa ʻoku ʻosi ʻi homou ʻapí pē. Fili ʻa e lelei tahá, fakaoli tahá, fakavaʻivaʻinga tahá, mo e alā meʻa pehē.
-
Fai ha feʻauhi lea ʻofa. Fevahevaheʻaki ha lea ʻofa ki he lahi taha te mou ala lavá he lolotonga ha efiafi pe ko ha taimi lōloa ange.
ʻOku ʻi ai mo haʻo toe meʻa te ke tānaki ki he lisi ko ʻení? ʻAve ia ki he ftsoy@ChurchofJesusChrist.org ke mau lava ʻo vahevahe ia mo e toʻu tupu kehé.
Falala [ki he ʻEikí] ʻaki ho Lotó Kotoa
Tā ha meʻa ʻoku felāveʻi mo e kaveinga ʻa e toʻu tupú ki he taʻu ní.
Ko e Hala ki he Ngaahi Taumuʻá
Kuó ke fokotuʻu nai ha ngaahi taumuʻa fakalakalaka fakataautaha ko ha konga ʻo e Fānaú mo e Toʻu Tupú ki he taʻú ni? Ko ha kiʻi fakaangaanga ʻeni ki hono fakakau e ngaahi ʻēlia kotoa ʻe fā ʻo e taumuʻá. Sio angé pe te ke lava ʻo hū ʻi he hala fihifihí ʻaki haʻo aʻu ki he ngaahi faiʻanga-sivi kotoa ʻe faá kimuʻa peá ke toki aʻu ki lotomālié!
Tā fakatātā ʻa Josh Talbot
Fanga Kiʻi Talanoa Fakakatá
Kuo sio nai ha taha ki heʻeku pate tenisí?
Val Chadwick Bagley