“Naʻe founga fēfē hono fakatupu ‘o e māmaní?,” Ki Hono Fakamālohia ʻo e Toʻu Tupú, Sānuali 2022.
ʻAi Hangatonu
Naʻe founga fēfē hono fakatupu ‘o e māmaní?
“Naʻe fakatupu ʻe he ʻOtuá ʻi he kamataʻangá ʻa e langí mo māmani” (Sēnesi 1:1). Naʻe founga fēfē leva ʻEne fakahoko iá? Ko ha ngaahi meʻa ʻeni ʻe niʻihi ʻoku tau ʻiloʻi:
Naʻe fakatupu ʻe Sīsū Kalaisi ʻa e māmaní. Naʻe tataki ʻe he Tamai Hēvaní ʻa e ngāue ʻo e Fakatupú; naʻe fakahoko ia ʻe Sīsū Kalaisi ʻi he mālohi ʻo e lakanga fakataulaʻeikí. “ʻI hoku ʻAlo pē Taha naʻe Fakatupú … naʻá ku fakatupu … [ʻa] e māmaní” (Mōsese 2:1).
Naʻe fokotuʻutuʻu ʻa e māmaní mei he ngaahi ʻelemēniti ne ʻosi ʻi ai pē, naʻe ʻikai fakatupu ia mei ha meʻanoa pē. “Te tau toʻo mei he ngaahi meʻá ni, pea te tau ngaohi ha māmani” (ʻĒpalahame 3:24).
Naʻe fakahoko ʻa e Fakatupú ʻi ha tuʻunga ʻe ono. Naʻe hoko ha ngaahi meʻa pau ʻi he tuʻunga takitaha ʻo e Fakatupú. Hangē ko ʻení, naʻe ngaohi e ʻuluʻakaú ʻi he taha, ko e meʻa moʻui ʻi tahí mo e manupuná ʻi he taha, ko e fanga monumanú mo e kakaí ʻi ha ngaahi tuʻunga kehe.
Naʻe fakahoko ʻa e ngaahi tuʻunga ʻo e Fakatupú ʻi ha ngaahi taimi naʻe ʻikai tala mahino. ʻOku faʻa tala ʻe he folofolá ko e ngaahi “ʻaho” he taimi ʻe niʻihi, ka ʻoku ʻikai ʻuhinga ia ko e ʻaho houa ʻe 24. ʻOku ʻi ai ha fakamatala ʻe taha ʻoku lau ki he ngaahi “taimí” (vakai ʻĒpalahame 4). ʻOku ʻikai ke tau ʻiloʻi honau fuoloá.
ʻE toki iku pē ʻo tali ʻetau ngaahi fehuʻi fekauʻaki mo e Fakatupú. “ʻI he ʻaho ko ia ʻe hāʻele mai ai ʻa e ʻEikí, te ne fakahā ʻa e ngaahi meʻa kotoa pē—ʻa e ngaahi meʻa … ʻo e māmaní, ʻa ia naʻe ngaohi ai iá” (Tokāteline mo e Ngaahi Fuakava 101:32–33).