“Vakai Lelei Kiate Koe,” Ki Hono Fakamālohia ʻo e Toʻu Tupú, Sānuali 2022.
Vakai Lelei Kiate Koe
ʻOua naʻa tuku ke tala atu ʻe he māmaní ko hai koe.
ʻE feinga ʻa e māmaní ke tala atu ha ngaahi meʻa fekauʻaki mo koe ʻoku ʻikai ke moʻoni.
“ʻOku ʻikai ke ke manakoa feʻunga.”
Ka ko hono moʻoní: ʻoku mahuʻinga ange ʻa e feohi fakakaungāmeʻa moʻoní ʻi he manakoá.
“He ʻikai ke ke teitei lavaʻi ha faʻahinga meʻa.”
Ka ko hono moʻoní: ʻe lava ʻe he tuí mo e ngāue mālohí ʻo ikunaʻi ha faʻahinga taumuʻa pē.
“ʻOkú ke fuʻu—” “ʻOku totonu ke ke—” “ʻOku ʻikai ke ke feʻunga—”
Ka ko hono moʻoní: ʻOku finangalo ʻa e ʻOtuá ke ke vakai kiate koe ʻaki e mata fakalaumālié.
“ʻOku ʻikai haʻo mahuʻinga!”
Ka ko hono moʻoní: ko ha fānau koe ʻa e ʻOtuá.
“ʻOkú ke tō he fuʻu fiefia lahí!”
Ka ko hono moʻoní: te ke maʻu ʻa e fiefiá ʻi hoʻo vahevahe ʻa e ʻofa ʻa e ʻOtuá mo e kakai ʻoku mou feohí.
“He ʻikai te ke teitei lavaʻi ha meʻa he moʻuí!”
Ka ko hono moʻoní: ʻoku hā ngingila ho kahaʻú ʻo hangē tofu pē ko hoʻo tuí.1