« មើលខ្លួនឯងឲ្យបានច្បាស់ » ដើម្បីកម្លាំងនៃយុវជន ខែ មករា ឆ្នាំ ២០២២ ។
មើលខ្លួនឯង ឲ្យបានច្បាស់
សូមកុំទុកឲ្យពិភពលោកនេះប្រាប់ប្អូនថាប្អូនជានរណាឡើយ ។
ពិភពលោកនេះនឹងព្យាយាមប្រាប់ប្អូននូវអ្វីៗអំពីខ្លួនរបស់ប្អូនថាមិនពិតប្រាកដ ។
« ឯងមិនទាន់មានប្រជាប្រិយភាពគ្រប់គ្រាន់នៅឡើយទេ » ។
ប៉ុន្តែការពិតនោះគឺ ៖ មិត្តភាពពិតប្រាកដគឺមានតម្លៃជាងប្រជាប្រិយភាព ។
« ឯងនឹងមិនទទួលបានជោគជ័យលើអ្វីមួយឡើយ » ។
ប៉ុន្តែការពិតនោះគឺ ៖ សេចក្តីជំនឿ និងការខិតខំប្រឹងប្រែងនឹងនាំឲ្យប្អូនដល់កោះត្រើយ ។
« ឯងក៏អញ្ចឹងដែរ— » « ឯងគួរតែខំជាងនេះ— » « ឯងមិនទាន់ល្អគ្រប់គ្រាន់នៅឡើយទេ— »
ប៉ុន្តែការពិតនោះគឺ ៖ ព្រះមានព្រះទ័យចង់មើលឃើញប្អូនឲ្យមើលឃើញខ្លួនឯងតាមរយៈកែវភ្នែកខាងវិញ្ញាណ ។
« ឯងគ្មានតម្លៃអ្វីទេ ! »
ប៉ុន្តែការពិតនោះគឺ ៖ ប្អូនគឺជាបុត្ររបស់ព្រះ ។
« ឯងបាត់បង់ការសប្បាយៗជាច្រើន ! »
ប៉ុន្តែការពិតនោះគឺ ៖ ប្អូនទទួលបានអំណរកាលណាប្អូនចែកចាយសេចក្តីស្រឡាញ់របស់ព្រះជាមួយមនុស្សនៅជុំវិញខ្លួនរបស់ប្អូន ។
« ឯងមិនបានការទេ ! »
ប៉ុន្តែការពិតនោះគឺ ៖ ប្អូនមានអនាគតដ៏ភ្លឺត្រចះត្រចង់ដូចជាសេចក្តីជំនឿរបស់ប្អូនដែរ ។១