តើផែនដីបានបង្កើតឡើងយ៉ាងដូចម្តេច ?

« កាលដើមដំបូងឡើយ ព្រះបានបង្កើតផ្ទៃមេឃ និងផែនដី » ( លោកុប្បត្តិ ១:១ ) ។ ដូច្នោះតើទ្រង់បានបង្កើតឡើង ដោយរបៀបណាទៅ ? នេះគឺជាចំណុចពីរបីដែលយើងដឹង ៖

ព្រះយេស៊ូវបានបង្កើតផែនដី ។ ព្រះវរបិតាសួគ៌បានដឹកនាំកិច្ចការនៃការបង្កបង្កើតនេះ ព្រះយេស៊ូវគ្រីស្ទបានធ្វើតាមផែនការនេះ តាមរយៈសិទ្ធិអំណាចនៃបព្វជិតភាព ។ « ដោយសារព្រះរាជបុត្រាបង្កើតតែមួយរបស់យើង ទើបយើងបានបង្កើត … ផែនដី » ( ម៉ូសេ ២:១ ) ។

ពិភពលោកនេះបានបង្កើតឡើងពីសភាវៈមានជីវិតរស់នៅ ពុំមែនបង្កើតឡើងដោយគ្មានអ្វីសោះនោះទេ ។ « ហើយយើងនឹងយកវត្ថុទាំងឡាយនេះទៅ ហើយយើងនឹងធ្វើផែនដី ដើម្បីឲ្យពួកគេទាំងនេះអាចរស់នៅលើ » ( អ័ប្រាហាំ ៣:២៤ ) ។

ការបង្កបង្កើតបានធ្វើឡើងជាប្រាំមួយដំណាក់កាល ។ រឿងជាក់លាក់មួយចំនួនបានកើតឡើងនៅលើដំណាក់កាលនៃការបង្កបង្កើតនីមួយៗ ។ ឧទាហរណ៍រុក្ខជាតិទាំងអស់ត្រូវបានបង្កើតឡើងក្នុងពេលតែមួយសត្វសមុទ្រ និងបក្សីនៅក្នុងពេលផ្សេងទៀតសត្វ និងមនុស្សនៅក្នុងដំណាក់កាលផ្សេងទៀត ។

ដំណាក់កាលនៃការបង្កបង្កើតមិនមានពេលវេលាជាក់លាក់ទេ ។ នៅពេលខ្លះបទគម្ពីរហៅដំណាក់កាលនេះថា « ថ្ងៃ » ប៉ុន្តែវាមិនមែនមានន័យថា ២៤ ម៉ោងក្នុងមួយថ្ងៃនោះទេ ។ ដំណើររឿងមួយនិយាយអំពី « ពេលវេលា » ( សូមមើល អ័ប្រាហាំ ៤ ) ។ យើងពុំដឹងពីរយៈពេលនោះទេ ។

សំណួររបស់យើងអំពីការបង្កបង្កើតទីបំផុតនឹងត្រូវបានឆ្លើយតប ។ « នៅថ្ងៃនោះ ក្នុងកាលព្រះអម្ចាស់នឹងយាងមក នោះព្រះអង្គនឹងបើកសម្ដែងគ្រប់ទាំងអស់— … របស់របរពីផែនដីដែលត្រូវបានបង្កើតឡើង ( គោលលទ្ធិ និងសេចក្តីសញ្ញា ១០១:៣២–៣៣ ) ។