« សំណួរ និងចម្លើយ » ដើម្បីកម្លាំងនៃយុវជន ខែ ឧសភា ឆ្នាំ ២០២២។
សំណួរ និង ចម្លើយ
« ខ្ញុំពុំមានលក្ខណៈដូចគ្នាច្រើននឹងមិត្តភក្តិក្នុងក្រុមយុវវ័យរបស់ខ្ញុំទេ ។ តើខ្ញុំអាចមានអារម្មណ៍កាន់តែមានទំនាក់ទំនងស្និទ្ធស្នាលនឹងពួកគេយ៉ាងដូចម្តេច ?
ការជួយដល់មនុស្សម្នាក់ៗ
« ខ្ញុំមានអារម្មណ៍កាន់តែមានទំនាក់ទំនងស្និទ្ធស្នាលជាមួយអ្នកដទៃនៅពេលដែលខ្ញុំពិតជាព្យាយាមចំណាយពេលជាមួយពួកគេម្នាក់ៗ មិនត្រឹមតែចំណាយពេលនៅក្នុងក្រុមប៉ុណ្ណោះទេ ។ ប្រសិនបើបងប្អូនចង់ស្វែងរកនរណាម្នាក់ដែលបងប្អូនចុះសម្រុងជាមួយ សូមឈោងទៅជួយអ្នកដែលត្រូវការមិត្ត ។ បងប្អូនអាចទទួលបានអត្ថប្រយោជន៍ច្រើនជាងអ្នកដែលត្រូវការមិត្តទៅទៀត ! »
ឡាទីយ៉ាណា ភី អាយុ ១៧ ឆ្នាំ នៅប្រទេសសិង្ហបុរី
ចែកចាយចំណាប់អារម្មណ៍របស់បងប្អូន
« មនុស្សនៅក្នុងក្រុមយុវវ័យរបស់ខ្ញុំភាគច្រើនមានចំណាប់អារម្មណ៍លើរឿងខុសៗគ្នា ។ ខ្ញុំចង់សួរពួកគេពីចំណាប់អារម្មណ៍របស់ពួកគេ ពីព្រោះវាបង្ហាញថាខ្ញុំព្រួយបារម្ភចំពោះពួកគេ ។ បន្ទាប់មកវាផ្តល់ឱកាសឲ្យពួកគេសួរខ្ញុំពីចំណាប់អារម្មណ៍របស់ខ្ញុំដែរ ។ ការបង្កើតទំនាក់ទំនងជាមួយមនុស្សទូទៅគឺត្រូវចំណាយពេលខ្លះ—សូមព្យាយាមធ្វើវា ! »
អ៊ីរីន អេហ្វ អាយុ ១៨ ឆ្នាំ នៅរដ្ឋយូថាហ៍ ស.រ.អ.
ស្វែងរកភាពដូចគ្នា
« ប្រសិនបើបងប្អូនចង់មានទំនាក់ទំនងជិតស្និទ្ធជាមួយមិត្តភក្តិរបស់បងប្អូន សូមស្វែងរកសេចក្តីល្អ រឿងដែលមានអត្ថន័យដែលបងប្អូនអាចធ្វើរួមគ្នា ទោះបីជារឿងនោះមានតែពីរបីរឿងក្តី ។ បងប្អូនអាចស្វែងរកចំណង់ចំណូលចិត្ត ឬល្បែងកំសាន្តដែលបងប្អូនរីករាយទាំងអស់ ។ ទូលសូមជំនួយពីព្រះវរបិតាសួគ៌ ហើយទ្រង់នឹងប្រទានការបំផុសគំនិតដល់បងប្អូន » ។
ខាលវ៉ា វី អាយុ ១២ ឆ្នាំ នៅពេរ៉ូ
ស្រឡាញ់ភាពខុសប្លែករបស់បងប្អូន
« ពេលដែលខ្ញុំចំណាយពេលច្រើនជាមួយមនុស្សក្នុងក្រុមយុវវ័យ ខ្ញុំកាន់តែស្រឡាញ់លក្ខណៈខុសប្លែករបស់ពួកគេ ! ខ្ញុំរៀនពីរបៀបដើម្បីបម្រើពួកគេបានល្អប្រសើរ ដែលជួយខ្ញុំឲ្យកាន់តែជិតស្និទ្ធនឹងពួកគេ និងព្រះយេស៊ូវគ្រីស្ទ ។ យើងទាំងអស់គ្នាជាកូនចៅនៃព្រះវរបិតាសួគ៌របស់យើង ដូច្នះយើងមានអ្វីៗដូចគ្នាជាច្រើនដែលយើងមិនដឹង » ។
សារ៉ា អិម អាយុ ១៦ ឆ្នាំ រដ្ឋយូថាហ៍ ស.រ.អា
ព្យាយាមអ្វីថ្មី
« គឺគ្រាន់តែរាក់ទាក់ និងទៅនិយាយរកពួកគេប៉ុណ្ណោះ ។ ព្យាយាមធ្វើអ្វីដែលថ្មីៗឲ្យបានច្រើន ។ ក្មេងប្រុសម្នាក់នៅក្នុងវួដរបស់យើងពុំចូលចិត្តកីឡានោះទេ ប៉ុន្តែគាត់តែងតែមកលេងជាមួយយើង ។ បន្ទាប់មកយើងធ្វើអ្វីៗដែលគាត់ចាប់អារម្មណ៍ ដូចជា ឆ្ពិនភ្នែក ឬលេងបោះបៀរ ។ ការព្យាយាមធ្វើអ្វីថ្មីគឺជាវិធីដ៏ល្អដើម្បីមានអារម្មណ៍មានទំនាក់ទំនងស្និទ្ធស្នាល » ។
ជេរីន អិម អាយុ ១៧ ឆ្នាំ នៅ ណូវ៉ា ស្កូតៃ ប្រទេសកាណាដា
ឈោងទៅជួយ
« ឈោងទៅជួយ និងជួយនរណាម្នាក់ក្នុងក្រុមយុវវ័យរបស់បងប្អូនដែលកំពុងត្រូវការជំនួយ ។ នៅពេលដែលយើងព្យាយាមធ្វើជាគំរូនៃសេចក្តីស្រឡាញ់របស់ព្រះអង្គសង្គ្រោះ នោះវានឹងជួយយើងឲ្យមានទំនាក់ទំនងកាន់តែស្និទ្ធស្នាលនឹងគ្នា » ។
យ៉ូស្វេ ស៊ី អាយុ ២០ ឆ្នាំ ហ្វាឌិននី អាមេរិកាំង សាម័រ
សូមមានទំនុកចិត្តលើខ្លួនឯង
« យូរៗទៅបងប្អូនប្រហែលជានឹងឃើញអ្វីៗដែលបងប្អូនមានដូចគ្នា ប៉ុន្តែប្រហែលជាមិនមែនតាមរបៀបដ៏ត្រឹមត្រូវនោះទេ ។ ក្នុងពេលនេះ បងប្អូនអាចភ្ជាប់សកម្មភាព និងអ្វីដែលកើតឡើងក្នុងអំឡុងសប្តាហ៍ ។ សូមចូលរួមសកម្មភាពដោយរីករាយ ! សូមជ្រើសរើសចូលរួម និងមានទំនុកចិត្តលើខ្លួនឯង ! »
ហាន់ណា ដបបិលយូ អាយុ ១៨ ឆ្នាំ នៅ ណូវ៉ា ស្កូតៃ ប្រទេសកាណាដា