« ចំណតសប្បាយៗ » ដើម្បីកម្លាំងនៃយុវជន ខែ មករា ឆ្នាំ ២០២២ ។
ចំណតសប្បាយៗ
របៀបដើម្បីរក្សា ទំនាក់ទំនង
ការជួបដោយផ្ទាល់គឺជារបៀបដ៏អស្ចារ្យដើម្បីរក្សាទំនាក់ទំនងជាមួយអ្នកដទៃ ។ ប៉ុន្តែយើងមិនអាចជួបគ្នាផ្ទាល់ជានិច្ចបាននោះទេ ។ ទាំងនេះគឺជាសកម្មភាពសប្បាយៗតាមអ៊ីនធឺណិតដែលមានតម្លៃឲ្យពិចារណានៅឆ្នាំនេះដើម្បីធ្វើជាស្ពានចម្លងគម្លាតរវាងការជួបជុំគ្នាបន្ទាប់របស់ប្អូន ។ សូមអរគុណដល់ សារ៉ា អេហ្វ មកពីកាលីហ្វ័រញ៉ា ស.រ.អា. ដែលបានផ្ញើរឿងទាំងនេះមក !
-
ផ្ញើអ៊ីម៉ែលតំណភ្ជាប់ទំព័រផាត់ពណ៌ បោះពុម្ពរូបភាពនៅឯផ្ទះ ផាត់ពណ៌រូបភាព ហើយចែកចាយរូបភាពនេះជាមួយក្រុម ។ បន្ទាប់មក សូមសរសេរសារសប្បាយៗនៅខាងខ្នងរូបភាព ហើយផ្ញើរូបភាពនោះទៅឲ្យមិត្តភក្តិ ។
-
បង្កើតវីដេអូរាំកំប្លែងៗដែលមានរយៈពេល១០-វិនាទី ហើយសូមចែកចាយវីដេអូនេះជាមួយក្រុម ។
-
បង្កើតការប្រកួតថតរូបខ្លួនឯងធ្វើទឹកមុខកំប្លែងៗ ។
-
អាចមើលមុនពីរបីថ្ងៃពីមុនដល់ពេលជួបគ្នាតាមអ៊ីនធឺណិត ។ មនុស្សគ្រប់គ្នាថតរូបពពកដែលមើលទៅដូចជាវត្ថុអ្វីមួយ បន្ទាប់មកចែកចាយរូបថតជាមួយគ្នា ហើយចែកចាយអ្វីដែលពួកគេគិតថាពពកនោះដូចជាអ្វី ។
-
រៀបចំព្រឹត្តិការណ៍រត់ម៉ារ៉ាតុងដែលផ្តល់ជាការបម្រើ ។ សូមមើលថាតើសកម្មភាពនៃការបម្រើប៉ុន្មានដែលសមាជិកនៃក្រុមយុវវ័យរបស់ប្អូនអាចធ្វើនៅក្នុងមួយសប្តាហ៍ ហើយបន្ទាប់មក សូមចែកចាយដំណើររឿងជោគជ័យរបស់ប្អូន ។
-
ចែករំលែកនូវរូបមន្តធ្វើម្ហូបដែលប្អូនចូលចិត្ត ។ សូមបង្ហាញម្ហូបដែលប្អូនបានចម្អិននៅតាមវីដេអូ ហើយបន្ទាប់មកសូមបរិភោគជាមួយគ្នា ។
-
សូមថតរូបវត្ថុដែលប្អូនរកបាននៅក្នុងផ្ទះ ។ សូមធ្វើបញ្ជីមួយដែលមានរាយនាមវត្ថុចំនួន ១០ មុខដែលប្អូនរកបាននៅក្នុងផ្ទះ ។ អ្នកដែលផ្ញើរូបភាពវត្ថុ ១០ មុខមុនគេគឺជាអ្នកឈ្នះ !
-
រៀបចំការប្រកួតស្លៀកពាក់ក្លែងកាយតាមអ៊ីនធឺណិតជាមួយរបស់របរដែលមានរួចហើយនៅក្នុងផ្ទះរបស់ប្អូន ។ សូមបោះឆ្នោតយករូបភាពដែលស្អាតជាងគេ កំប្លែងជាងគេ និងរឡេះរឡោះជាងគេ ។ល។
-
រៀបចំទិវារសរសើរការរត់ម៉ារ៉ាតុង ។ សូមចែកចាយការសរសើរអំពីគ្នាទៅវិញទៅមកឲ្យបានច្រើនតាមដែលប្អូនអាចធ្វើបាន នៅអំឡុងពេលល្ងាច ឬរយៈពេលយូរជាងនេះជាងនេះក៏បាន ។
តើមានចំណុចផ្សេងទៀតដែលប្អូនចង់បន្ថែមនៅក្នុងបញ្ជីនេះដែរឬទេ ? សូមផ្ញើចំណុចទាំងនោះទៅកាន់ ftsoy@ChurchofJesusChrist.org ដើម្បីយើងអាចចែកចាយចំណុចទាំងនោះជាមួយយុវវ័យដទៃទៀត ។
ចូរទីពឹង ដល់ព្រះយេហូវ៉ាឲ្យអស់អំពីចិត្ត
សូមគូររូបអ្វីមួយដែលទាក់ទងនឹងបាវចនារបស់យុវវ័យនៅឆ្នាំនេះ ។
ផ្លូវទៅកាន់ គោលដៅ
តើប្អូនបានដាក់គោលដៅការអភិវឌ្ឍផ្ទាល់ខ្លួនដែលជាផ្នែកមួយសម្រាប់កុមារ និងយុវវ័យសម្រាប់ឆ្នាំនេះដែរឬទេ ? នេះគឺជាការអនុវត្តបន្តិចបន្តួចដែលទាក់ទងនឹងចំណុចគោលដៅសំខាន់ៗទាំងបួន ។ សូមមើលថាតើប្អូនអាចឆ្លងកាត់ច្រកខ្វាត់ខ្វែងបានដោយការទៅដល់ចំណុចត្រួតពិនិត្យទាំងបួនមុនពេលទៅដល់កណ្តាលឬទេ !
រចនារូបភាពដោយ ចស ថាលបូត
រឿងកំប្លែង
តើមាននរណាបានឃើញប្រដាប់វាយកូនបាល់របស់ខ្ញុំទេ ?
វ៉ល ឆាដវីគ បាគ្លី