ការណែនាំរបស់យើងទៅកាន់សេចក្តីពិត

ដោយប្រធាន ដាល្លិន អេក អូក

ទីប្រឹក្សាទីមួយក្នុងគណៈប្រធានទីមួយ

ដកស្រង់ចេញពី សុន្ទរកថានៅក្នុងសន្និសីទទូទៅខែ តុលា ឆ្នាំ ២០០៤ ។

ចេញពីចំណុចនៅលើផ្លូវនៃជីវិតរបស់ក្មួយៗ ក្មួយៗមានពេលវែងឆ្ងាយ និងមានការជ្រើសរើសជាច្រើនដែលត្រូវធ្វើ កាលដែលក្មួយៗស្វែងរកដើម្បីត្រឡប់ទៅរស់នៅជាមួយព្រះវរបិតាសួគ៌របស់យើងវិញ ។ នៅលើផ្លូវនេះ មានស្លាកសញ្ញាជាច្រើនដែល ប្រាប់ទិសដៅ ។ សាតាំងគឺជាអ្នកនិពន្ធនៃការអញ្ជើញទាំងនេះ ។ វាខិតខំធ្វើឲ្យភាន់ច្រឡំ និង បញ្ឆោត យើង ដើម្បីឲ្យធ្លាក់ទៅលើផ្លូវងាយៗដែលនាំឲ្យឃ្លាតឆ្ងាយពីជោគវាសនា ដ៏នៅអស់កល្បជានិច្ចរបស់យើង ។

អ្នកលេងសៀករហ័សកម្មធ្វើឲ្យកូនបាល់អណ្តែតឡើង

ខ្ញុំចង់ចែកចាយអំពីរបៀបដែលក្មួយៗអាចជៀសវាងពីការបោកបញ្ឆោត ។ ទីមួយ ក្មួយៗបានទទួលការបង្រៀនពីសុចរិតភាព និងការធានានូវសេចក្តីពិត ដូច្នេះសូមបន្តនៅលើផ្លូវនេះ ។ សូមខិតខំសិក្សាព្រះគម្ពីរ ដែលការបង្រៀនក្នុងបទគម្ពីរការពារយើងប្រឆាំងនិងអារក្ស ។ ទីពីរ ការគ្រាន់តែទទួលបានសេចក្តីពិតនោះមិនគ្រប់គ្រាន់ទេ ។ យើងក៏ត្រូវតែយក « ហើយបានទទួលយកព្រះវិញ្ញាណបរិសុទ្ធទុកជាអ្នកណែនាំ [ របស់យើង ] និង « [ នឹង ] ពុំត្រូវគេបញ្ឆោត » ( គោលលទ្ធិ និងសេចក្តីសញ្ញា ៤៥:៥៧ ) ។

តើយើងអាចទទួលព្រះវិញ្ញាណបរិសុទ្ធជាអ្នកណែនាំរបស់យើងយ៉ាងដូចម្តេច ? យើងត្រូវតែប្រែចិត្តពីអំពើបាបរបស់យើង និង រម្លឹកឡើងវិញនូវសេចក្តីសញ្ញារបស់យើង តាមរយៈការទទួលទានសាក្រាម៉ង់រាល់សប្តាហ៍ដោយមានដៃស្អាត និងដួងចិត្តបរិសុទ្ធ ។ មានតែតាមវិធីនេះប៉ុណ្ណោះដែលយើងអាចទទួលបានសេចក្តីសន្យាដ៏ទេវភាពដែលយើងនឹង « បានព្រះវិញ្ញាណរបស់ទ្រង់គង់នៅជាមួយនឹង [ ពួកយើង ] ជាដរាប » ( គោលលទ្ធិ និង សេចក្ដីសញ្ញា ២០:៧៧ ) ។ ព្រះវិញ្ញាណនៃព្រះវិញ្ញាណបរិសុទ្ធដែលមានបេសកកម្មដើម្បីថ្លែងពីព្រះវរបិតា និងព្រះរាជបុត្រាត្រូវបង្រៀនយើង និងត្រូវដឹកនាំយើងទៅរកសេចក្តីពិត ។

សញ្ញាប្រាប់ទិសដៅ ៖ ដើម្បីព្យាយាមទាក់ទាញចំណាប់អារម្មណ៍របស់បងប្អូន ឬចង់ឲ្យក្មួយៗធ្វើតាម ។

បោកបញ្ឆោត ៖ ដើម្បីព្យាយាមបំភាន់ក្មួយៗឲ្យជឿលើអ្វីមួយដែលមិនពិត ។

ទិសដៅ ៖ ទីកន្លែងមួយដែលក្មួយៗកំពុងទៅ ។ នៅត្រង់នេះ មានន័យថា នគរសេឡេស្ទាល ។

រម្លឹកសេចក្តីសញ្ញារបស់យើង ៖ ដើម្បីប្តេជ្ញាចិត្តរក្សាសេចក្តីសញ្ញាទាំងឡាយដែលក្មួយៗបានធ្វើជាមួយព្រះ ។ ការណ៍នេះបានធ្វើជាស្រេច រាល់ពេលក្មួយៗទទួលទានសាក្រាម៉ង់ ។