“Fakafehokotaki,” Ki Hono Fakamālohia ʻo e Toʻu Tupú, Fēpueli 2022.
Fakafehokotaki
Molonai
16, Siela Leone
Faitā ʻa Christina Smith
ʻOku lelei ʻaupito ʻete hoko ko ha mēmipa kei talavou ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Siela Leoné. ʻOku mau fengāueʻaki kotoa mo feohi fiefia. ʻOku mau saiʻia ke vaʻinga soka fakataha. ʻOku ou ongoʻi ʻoku mahuʻinga ʻaupito ke mau toe vāofi ange ko ha kulupu ʻo e toʻu tupú.
Naʻe tuʻo taha ʻeku feinga ke u maʻulotu ʻi ha siasi kehe ʻi ha taimi ne ʻikai mālohi ai ʻeku tuí. Ka naʻá ku ʻilo ai ʻoku kehe ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní he ʻoku tataki ʻaki ia ʻa e fakahā mei he ʻEikí. Pea ʻoku hanga maʻu pē ʻe he meʻa-foaki ʻo e Laumālie Māʻoniʻoní ʻo tauhi kitautolu he hala totonú.
ʻOku ou leleiʻia ʻaupito ʻi heʻeku hoko ko e mēmipa pē ʻe taha ʻi hoku ʻapiakó. Kuó u vahevahe ʻa e ongoongoleleí mo hoku ngaahi kaungāmeʻá, pea ʻoku ou ongoʻi fiefia ai. Kuó u akoʻi kiate kinautolu ʻa e Tohi ʻa Molomoná, pea naʻá ku fakaafeʻi foki kinautolu ke mau sio he konifelenisi lahí—pea naʻa nau omi!
ʻOku ou tui ʻoku moʻoni e Siasí pea ʻokú ne maʻu ʻa e kakato ʻo e ongoongoleleí. ʻOku pehē ʻe hoku ngaahi kaungāmeʻá ʻoku ou angalelei mo faitotonu, pea ʻoku nau lau au ko ha faʻifaʻitakiʻanga lelei koeʻuhí ko ʻeku moʻui ʻaki ʻa e ongoongoleleí.