“Kiʻi Taimi Fiefiá,” Ki Hono Fakamālohia ʻo e To‘u Tupú, Fēpueli 2022.
Kiʻi Taimi Fiefiá
Feʻauhi Fakamatalá
ʻOku ueʻi nai ʻe he laʻitā ko ʻení ho fakakaukaú? ʻOku mau ʻamanaki pē ʻoku pehē, koeʻuhí ko e meʻa pē ʻoku fie maʻu ke kakato aí ko ha fakalea meiate koé! ʻOmi hoʻo ngaahi tūkuhua lelei tahá (kimuʻa he ʻaho 15 ʻo Māʻasí) ki he ftsoy@ChurchofJesusChrist.org. ʻAlu ki he ChurchofJesusChrist.org ʻo fekumi ʻa e “Feʻauhi Fakamatalá” ke lau e ngaahi meʻa fakaoli ne hiki ʻi he ngaahi feʻauhi kimuʻá.
Fakaʻosi ʻa e Kupuʻi Lea Ko ʻEní!
Ko ha kiʻi vaʻinga ʻeni te ke lava ʻo vaʻinga ai mo ho ngaahi kaungāmeʻá mo e fāmilí ke sio ki he anga hoʻomou feʻilongakí. Ke tānaki atu ki aí, ko ha founga lelei ia ke te feʻilongaki lahi ange ai. Te ke lava foki ʻo tānaki atu e tali ho fāmilí ki hoʻo lekooti hisitōlia fakafāmilí!
ʻOku faingofua pē ʻa e kiʻi vaʻingá. Te mou taki taha lau ʻa e kamataʻanga ʻo e kupuʻi leá pea hiki leva hoʻo fakakaukau ki he founga ʻokú ke pehē ʻe fakaʻosi ʻaki ʻe he tokotaha ko eé ʻa e sētesí.
Fakafehoanaki homou ngaahi talí. Ko ia pē ʻe lahi taha ʻene tali tonú ko ia ia ʻe mālohí.
-
Ko e meʻakai ngali kehe taha kuó u kai aí ko e _________________.
-
Ko e talanoa ʻoku ou manako taha ai mei he folofolá ko e _________________.
-
Kapau ʻe lava ke u feohi ʻi ha ʻaho kakato ʻe taha mo ha taha ne mate kimuʻa pea fāʻeleʻi aú, ko e tokotaha ko iá ko _________________.
-
Kuó u fakaʻamu maʻu pē ke u folau ki _________________.
-
Ko e vaʻinga ʻoku ou saiʻia taha ke vaʻinga ai ʻi heʻeku kei siʻí ko e _________________.
-
Kapau ʻe lava ke u maʻu ha mālohi lahi makehe pea kuo pau ke u fili ʻi he puna he ʻeá, vave makehe ʻaupitó, pe poto makehe ʻaupitó, te u fili ʻa e _________________.
-
Kapau ʻe pau ke u fakamatalaʻi au ʻi ha foʻi lea pē ʻe taha, te u pehē _________________.
-
Ko ha lea ʻi he konifelenisi lahí [pe ko ha faleʻi lelei naʻá ku maʻu] naʻá ne fakahoko ha liliu lahi ʻi heʻeku moʻuí ko e _________________.
-
Ko e meʻaʻofa ngali kehe taha kuo foaki mai kiate aú ko e _________________.
-
Ko e ngāue fakaʻapi ʻoku ou fehiʻa taha hono faí pea te u fiefia ke feinga ke fakafetongi mo ha taha kehé ko e _________________.
-
Ko e lēsoni ʻoku ou/ne u saiʻia taha ai he akó ko e _________________.
-
Ko e ʻaho lelei taha ʻo ʻeku moʻuí ko e _________________.
-
Ko e ʻaho faingataʻa taha ʻo ʻeku moʻuí ko e _________________.
-
Ko e meʻa naʻá ne tokoniʻi au ʻi he ʻaho faingataʻa taha ʻo ʻeku moʻuí ko e _________________.
-
Ko e meʻa ʻoku ou fakamālō lahi taha ki he Tamai Hēvaní ʻi heʻeku lotú ko e _________________.
Toti ʻa e Temipalé
Te ke lava ʻo mateʻi pe ko e fonua fē ʻoku tuʻu ai e temipale ko ʻení ʻi he hili hoʻo fakaʻosi ʻa e pāsoló? Kiʻi tokoni: Ko e fuofua temipale ia ne langa ʻi he hemisifia fakatongá.
Tā fakatātā ʻa Josh Talbot
Fanga Kiʻi Fakakatá
ʻOku momoko ʻa lotó ni! Ko hai ʻokú ne faʻa tukuhifo e meʻa ko ʻení?
Arie Van De Graaff
Mani ē, foha! Meʻa vave moʻoni hoʻo sāvoloʻi e foʻi halá! Ka ne u peheni ʻe au ʻe tokoni atu ho kiʻi tehiná! Ko fē ia?
Ryan Stoker
Talí
Toti ʻa e Temipalé: Temipale Hamilton New Zealand