ʻAi Hangatonu

Ko e hā ʻoku ʻai ai ʻe he ʻOtuá ke tau fai ha ngaahi fuakavá?

Talu mei he kuonga ʻo ʻĀtama mo ʻIví, mo hono fakahā ʻe he ʻOtuá ki Heʻene fānaú fekauʻaki mo ʻEne palani maʻatautolu ke tau hoko ʻo tatau ange mo Iá, ʻo kau ai ʻa e tui kia Sīsū Kalaisí, fakatomalá, papitaisó, mo e meʻa-foaki ʻo e Laumālie Māʻoniʻoní.

ʻI he taimi ʻoku papitaiso ai ʻa e kakaí pea maʻu e meʻa-foaki ʻo e Laumālie Māʻoniʻoní, ʻoku nau fai ai ha ngaahi fuakava. Ko e ngaahi fuakavá ko ha aleapau toputapu ia ʻi he vahaʻa ʻo e ʻOtuá mo ha tokotaha. ʻOku talaʻofa mai ʻe he ʻOtuá ha ngaahi tāpuaki kapau te tau feinga ke tauhi ʻetau ngaahi fuakavá. ʻOku hoko e ngaahi fuakavá ke fakaʻatā ai kitautolu ke tau maʻu e mālohi ʻokú ne fakamaʻa kitautolu mei heʻetau ngaahi angahalá. ʻOku fakafou foki ai ʻetau maʻu ʻa e ngaahi tāpuaki maʻongoʻonga taha kuo foaki mai ʻe he ʻOtuá.

ʻOku ʻikai ke tau ʻiloʻi e ngaahi ʻuhinga kotoa ʻoku tau fie maʻu ai e ngaahi ouaú mo e fuakavá. Hangē ko e lea ʻa Palesiteni Tāleni H. ʻOakesi, Tokoni ʻUluaki ʻi he Kau Palesitenisī ʻUluakí: “ʻOku fie maʻu e papitaisó, ka ko e hā nai ʻa hono ʻuhingá? … ʻOku ʻikai ke u ʻilo. Ka ʻoku ou ʻiloʻi ko e fakamolemoleʻi ko ia ʻo e angahalá, ʻe malava ke toki hoko pē ia ʻi he feilaulau fakalelei naʻe fai ʻe hotau Fakamoʻui ko Sīsū Kalaisí. … Naʻe hanga ʻe he feilaulau naʻá Ne faí ʻo totongi ʻeku ngaahi angahalá pea kuó Ne tuku mai mo e ngaahi fiemaʻu ke u fai ke lava ʻo fakahaofi ai au ʻe he totongi naʻá Ne faí. ʻOku feʻunga pē ʻa e ʻuhinga ia ko iá kiate au” (“Why Do We Do Missionary Work?,” New Era, Sept. 2009, 3).