“Toe Pē Māhina ʻe Taha,” Ki Hono Fakamālohia ʻo e Toʻu Tupú, Fēpueli 2022.
Toe Pē Māhina ʻe Taha
Fakamālō atu ʻi hoʻo ngāue mālohi he ʻaho ní. Ko hoʻo vahe ʻena ki he māhina kuo ʻosí.
Mālō! Ta toki sio he Mōnité.
ʻIo! Kuo faifai peá u maʻu ha paʻanga feʻunga ke fakatau ʻaki e pasikalá! ʻIkai ke u faʻa tatali ke ʻaka takai holo he uike kahaʻú ʻi kolo mo hoku ngaahi kaungāmeʻá.
Hei, ʻoku ou ʻilo e sio ko ená. Naʻá ke vahe he ʻahó ni?
ʻIo!
Naʻá ku vahe mo au he ʻahó ni! Ne u toʻo mai e sila vahehongofulú kapau te ke fie maʻu.
ʻOi. ʻIo. Ne ngalo ʻia au e vahehongofulú. He ʻikai lava ke u … toki totongi ia he māhina katuʻú?
ʻE hoku foha, ko e fili pē ia ʻaʻau. Ka kuó u ongoʻi maʻu pē ʻa e ngaahi tāpuaki ʻoku maʻu mei hono totongi e vahehongofulú ʻi he vave taha te u lavá.
ʻOku mahino kiate au e meʻa ʻoku talamai heʻeku faʻeé, ka … kapau te u totongi vahehongofulu he taimí ni, he ʻikai ke u lava ʻo fakatau mai e pasikalá ʻi ha māhina kakato ʻe taha!
Ka ko e hā ka u ka taʻe fakatau mai ai ia he taimi ní? ʻOku lahi ha ngaahi ʻuhinga lelei ke u fai ia.
ʻE tokoni ia ke vave ange ʻeku aʻu ki he akó mo e ngāué. …
Te u lava ʻo ngāue ʻaki ia ke tokoni ke fai e puʻi e fineʻeikí ʻi heʻene femoʻuekiná. …
ʻE lahi ʻeku fakamālohisinó ʻi heʻeku ʻaka holo mo hoku ngaahi kaungāmeʻá. … ʻIkai nai ʻoku talamai maʻu pē ʻe he fineʻeikí ʻoku totonu ke u fakaʻaongaʻi lahi ange hoku taimí ʻi tuʻa?
ʻI he ʻaho Sāpate hono hokó …
“Fakaukau ki he tuʻunga monūʻia mo fakafiefia ʻo kinautolu ʻoku tauhi ʻa e ngaahi fekau ʻa e ʻOtuá. He vakai, ʻoku nau monūʻia ʻi he meʻa kotoa pē, ʻa e meʻa fakamāmaní mo e fakalaumālié fakatouʻosi.”—Mōsaia 2:41
ʻOku ou kei fakaʻamu pē ne u kumi ʻeku pasikalá. Fakakaukau ki he vave ʻeku ʻalu ʻo mai e fakataú! Ka ʻoku ou toe ongoʻi … fiefia foki. Neongo ʻoku ʻikai ke u maʻu ia. ‘Oku mahino nai ia?
ʻOku mahino ia kiate au.
Mahalo te u kamata fakahū mo au ha paʻanga ke kumi ʻaki ha pasikala. Te ta lava leva ʻo lova ki he māketí!
Ha! Kapau pē ʻokú ke saiʻia he fika uá!