“Kiiō Etōreen,” N̄an Kōkajoorļo̧k Jodikdik ro, Māe 2022.
M̧wen̄an eo an Ālkin Rālep in Jabōt
Kiiō Etōreen
Mōttan ko rekadu
Aolep iien ejjab alikkar ilju im jekļaj. Mejatoto ej oktak. Ito itak in Jeraam̧m̧an ko jab maron̄ anto̧o̧ni. Kakkure ko, itaak in wa ko, im nan̄inmej ko remaron̄ m̧ōkaj aer ukōt mour. Makūtkūt kein reļļap retarjān jon̄an maron̄ ko ad. Ak elōn̄ jet men ko jemaron̄ oņaaki ekitbuuj, wāween ad karōk ad iien kajjojo raan. …
Aaet, jej aikuj ekkatak jān tōre ko etto, im aaet, jej aikuj in m̧aanjabpopo n̄an ilju im jekļaj. Ak kiiō wōt jemaron̄ ke kōm̧m̧ane. Kiiō ej iien eo jemaron̄ in ekkatak Kiiō ej iien eo jemaron̄ in ukweļo̧k Kiiō ej iien eo jemaron̄ kojeraam̧m̧an ro jet. “kotak lōn̄ļo̧k pā ko rej allitoto.”Hibru 12:12]. …
… Ij āliji naan in rōjan̄ in aō jān jibbon̄ in n̄an kōm̧m̧ani men ko otemjej renaaj kōļapļo̧k kajoor in jetōb eo ej im̧we jerbal eo ami em̧m̧an, me ej ļōn̄aj ta eo Elder Dieter F. Uchtdorf ekar kōnono kake,me enaaj kwowōnm̧aanļo̧k wōt kom̧ ilo jabdewōt kain apan̄ ko im iien ko rem̧m̧an rej itok.
Jetōb in iien eo em̧m̧an ej ļapļo̧k ilo ad kabun̄jar ilo tampeļ im eddōkļo̧k ilo jeļāļo̧kjeņ im kōjeraam̧m̧an ko jej būki ilo ad etal n̄an tampeļ eo ejelōt kōj ilo aolep jon̄ak ko kōj make im kajjojo armej. Ij akweļap ippāmi n̄an jum̧ae wāween ko an laļ in ilo pedped wōt ioon kōjeraam̧m̧an ko indeeo an tampeļ eo. …
Ij iakwe kom̧, ro jeiū im jatū rejitōn bōro. Im eo aorōktata, Irooj ej iakwe kom̧. E ej ami Rilo̧mo̧o̧r im ami Ripinmuur. Ej tōl im jineete Kabun̄ in An. Kōm̧m̧an bwe jen erom̧ juon jarlepju in armej rerreo an Irooj, eo ekar ba, “Im koṃnaaj armej ro aō, im N̄a Inaaj Anij eo ami.”Jeremia 30:22].