“Ļoor Jisōs: Erom̧ Rikōm̧m̧an Aenōm̧m̧an,” N̄an Kōkajoorļo̧k Jodikdik ro, Māe 2022.
M̧wen̄an eo an Jibbon̄ in Jādede
Ļoor Jisōs: Erom̧ Rikōm̧m̧an Aenōm̧m̧an
M̧ōttan ko rekadu
Irooj ekar katakin kōn ekōjkan mour kake, tōre eo im kiiō, ilo juon laļ ekōjdet. “E m̧ōņōņō ro ri kōllaajrak,” Ekar kwaļo̧k, “bwe naaj ņa etaer ro nejin Anij ”[Matu 5:9]. …
Ekōjkan an juon rikōm̧m̧an aenōm̧m̧an kalur im kam̧ōļoik m̧ade in kijek ko? Ilo m̧ool ejjab jān bweradikļo̧k jān jekjek eo ro rej kōnono nana ņae kōj. Ijello̧kin, jej pād wōt ilo lōke ilo tōmak eo ad, kwaļo̧k tōmak ko ad kōn lōke bōtaab iien otemjej joļo̧k illu ak kūtōtō. …
Ta eo ej letok n̄an kōkajoorļo̧k eo itulowa n̄an kam̧ōļoik, kalur, im kune m̧ade in kijek ko kar jibadōkļo̧k m̧ool ko jej iakwi? Kōkajoorļo̧k eo ej itok jān tōmak eo ad ilo Jisōs Kraist im tōmak eo ad ilo naan ko An. …
Men̄e ikdeelel eo am̧ ettā ej n̄an katak ko an Rilo̧mo̧o̧r eo n̄an kautieje jān aolep, naan ko an Irooj kōn rikanaan ro An emakijkij aer jum̧ae ļōmņak eo im jekjek ko an laļ. Eļakkar āindein wōt. …
Jej m̧ool ilo ad iakwe im kea kōn aolep ro rūturid, eļan̄n̄e ak jaab rej tōmak āinwōt ad tōmak. …
… Ewōr iien ko n̄e erom̧ juon rikōm̧m̧an aenōm̧m̧an ej meļeļe bwe jej jum̧ae uwaak ko rem̧ōkaj im jidimkij, kōn utiej, ikōņ wōt. …
… Ekabūrom̧ōjm̧ōj, ejjab aolep rej kijin̄en̄e wōt ilo aer iakwe n̄an Rilo̧mo̧o̧r eo im aer kije n̄an kōjparok kien ko An. …
Jej maron̄ barāinwōt em̧m̧akūļo̧k jān iakwelel im kōjeraam̧m̧an mour ko an ro jet ilo ad kōmakeikļo̧k kōj im jab iktōltōl ippān ro jet. …
Kōm̧m̧an bwe jen iakwe E im iakwe doon. Kōm̧m̧an bwe jen rikōm̧m̧an aenōm̧m̧an, bwe ren ņaetad “ro nejin Anij.”