“Dim ilo Ļan̄ ko,” N̄an Kōkajoorļo̧k Jodikdik ro, Māe 2021.
M̧wen̄an eo an Jibbon̄ in Jādede
Dim ilo Ļan̄ ko
Mōttan ko rekadu
N̄an ro rej inepata kōn kōj make im kōn ro jej iakwe, ewōr kōjatdikdik ilo kallim̧ur eo Anij emōj an kōm̧m̧ane kōn juon jikin kōjparok ilo ļan̄ ko im̧aan. …
Naan in kanaan ko an Kiin̄ Benjamin rej jerbal n̄an kōj ilo raan kein ad. …
Ekar karuwaineneik armej ro an im kōj n̄an kalōk ioon ejm̧aan eo em̧ool ilo kōjparok, eo ej Rilo̧mo̧o̧r. Ekar alikkar an ba bwe kōj jej anemkwoj n̄an kāālet ikōtaan jim̧we im bōd im bwe jeban eļļā jān ta ko renaaj waļo̧k n̄an kāālet ko ad. …
Mwilid ej oktak n̄an erom̧ āinwōt juon ajri edik, n̄an pokake Anij im kōļapļo̧k iakwe. Oktak in enaaj kōkarbab kōj n̄an m̧ōņōņō kōn menin letok eo ej itok ilo Jetōb Kwojarjar. Bōk jem̧jerā eo an Jetōb enaaj kaenōm̧m̧an, tōl, im kōkajoor kōj. …
N̄e ļan̄ ko an mour in enaaj itok, jemaron̄ dim kōnke jej jutak ioon ejm̧aan in tōmak eo ad ilo Jisōs Kraist. Tōmak in enaaj tōl eok n̄an ukweļo̧k raan otemjej im jim̧we ilo kōjparok bujen. Innām kwonaaj aolep iien keememej E. Im ilo ļan̄ in matōrtōr im jerawiwi, kwonaaj en̄jake dim im kōjatdikdik. …
… Āinwōt juon ajri ettā im iakwe, bōke jipan̄ in An. Kōm̧m̧an im kōjparok bujen ko Ej letok ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata. Renaaj kōkajoor kwe. Rilo̧mo̧o̧r ejeļā ļan̄ ko im jikin kōjparok ko ilo ial eo n̄an m̧weo Ippān im n̄an ippān Jemedwōj Ilan̄. E ejeļā iaļ eo. E ej Iaļ eo.