“N̄an Kōmour Laļ in,” N̄an Kōkajoorļo̧k Jodikdik ro, Māe 2022.
M̧wen̄an eo an Jibbon̄ in Jabōt
N̄an Kōmour Laļ in
M̧ōttan ko rekadu
Ta in anemkwoj an kabun̄?
Ej anemkwoj eo an kabun̄jar ilo aolep jekjek ko an: anemkwoj in kuk ippān doon, anemkwoj in kōnono, anemkwoj in m̧akūtkūt kōn tōmak ko an juon, im anemkwoj n̄an ro jet n̄an kōm̧m̧an ejja āinwōt. Anemkwoj in kabun̄ ej kōtļo̧k ad kajjojo kāālet kōn kōj make ta eo jej tōmak, ekōjkan ad mour im m̧akūtkūt ekkar n̄an ad tōmak, im ta eo Anij ej kōtmene jān kōj. …
Ilukōn aen̄wān̄wā eo ilo 1842 eo, Josep ekar je tōmak ko im̧aan tata 13 an Kabun̄ eo ej eddōk, ekoba menin: “Kōmij kwaļo̧k bwe ewōr am jim̧we in kabun̄-jar n̄an Anij Ekajoor Bōtata ekkar n̄an bōklōkōt ko an koļmānļo̧kijeņ ko am make, im kōtļo̧k aolep armej ejja jim̧we in wōt, er ren kabun̄-jar ilo wāween eo, jikin eo, ak ta eo rej kāālete” [Laajrak in Tōmak Ko 1:11].
Ennaan eo an ej kitbuuj, kaenemkwoj, im kautiej. En̄in ej aorōk eo an anemkwoj in kabun̄. …
Ļōmņak ippa kōn emān wāween ko me jukjuk in pād eo im kajjojo rej jeraam̧man jān anenkwoj in kabun̄.
Kajuon. Anemkwoj in kabun̄ ej kautiej kien ko reļļap tata juon im ruo, likūt Anij ilo ioļap in mour ko ad. …
Karuo. Anemkwoj in kabun̄ ej rōjan̄ en̄jake ko ilo tōmak, kōjatdikdik, im aenōm̧m̧an. …
Kajilu. Kabun̄ in ej im̧we armej n̄an jipan̄ ro jet. …
Im kemen. Anemkwoj in kabun̄ juon kajoor ebōro kuk im pedped ioon n̄an ļōme aorōk ko im jim̧we. …
Ij karuwainene kom̧ n̄an wiin kōn un ko an anemkwoj in kabun̄. Ej juon kakōļļe kōn pedped in katak an anemkwoj kar elletok in Anij.