“Kwōn jab mijak, Kwōn Tōmak Wōt!,” N̄an Kōkajoorļo̧k Jodikdik ro, Māe 2022.
M̧wen̄an eo an Ālkin Rālep in Jādede
Kwōn Jab Mijak, Kwōn Tōmak Wōt!
M̧ōttan ko rekadu
Ilo jekjek ko ad, emeļeļe bwe rūm̧m̧an ded ro eļapļo̧k aer aipādpād ļo̧k jen kar m̧okta. …
Akweļap eo aō rainin n̄an jodikdik ro nejid, kom̧ ro jinen im jemen im rūtto ro rej kōkapilōklōk er, ej n̄an jipan̄ eok pukot m̧ōņōņō im kam̧m̧oolol kōn men ko rem̧m̧an im m̧ōņōņō eo em̧ōj ad kar bōke jān menin letok otemjej em̧m̧an jān riletok eo. Aaet em̧ool elōn̄ ilo laļin rej kappukot uwaak ko rem̧wūlaļ kōn men ko an jetōb, jej aikuj uwaak kōn “nuuj eo em̧m̧an” kōn gospel eo an Jisōs Kraist. Kabun̄ eo an Jisōs Kraist im Armej ro Rekwojarjar ilo Raan-ko Āliktata, eo ej jurake aorōkin mijen im ennaan eo an Rilo̧mo̧o̧r eo an laļ in, ej letok wāween eo eaorōk im ej n̄an indeeo jim̧or lo em̧m̧an im kōm̧m̧an em̧m̧an ilo tōre in aikuji. …
N̄an jabdewōt jodikdik ro nejid jekane rej ioon apan̄, jekdo̧o̧n n̄ūrbōktak ko ak apan̄ ko, mej ilo aer make bōk mour ko aer ejjab uwaak eo ekkar. Eban joļo̧k metak eo kwoj en̄jake ak men eo kwoj ļōmņake ekar waļo̧k. Ilo juon laļ eo eļap aikuj aolep meram ko remaron̄ tōpari, jouj jab kowaane meram eo indeeo an Anij likūti ilo jetōb eo am̧ m̧okta jān an kar ejaak laļ in. Kōnono n̄an jabdewōt. Kajjitōk kōn jipan̄. Jab kakkure juon mour me Kraist ekar aje mour eo An n̄an kōjparoke. Komaron̄ anjo̧ ioon apan̄ ko an mour in kōnke jenaaj jipan̄ kom̧ kotaki. Kokajoor jen am̧ ļōmņake. Jipan̄ ej pād, jān ro jet im eļaptata jān Anij. Rej iakwe eok im kaorōk eok im eļap aikuji eok. Kōm̧ij aikuj eok! “Kwōn jab mijak: kwōn tōmak wōt.” …
… Jej m̧ōņōņō kaki. Jej ippān doon, im jej Ippān. Jab kowane kōm kōn iien n̄an pād iturum̧.