“Iakwe, Kwaļo̧k, Karuwainene,” N̄an Kōkajoorļo̧k Jodikdik ro, Māe 2022.
M̧wen̄an eo an Jibbon̄ in Jabōt
Iakwe, Kwaļo̧k, Karuwainene
M̧ōttan ko rekadu
Membōr ro an Kabun̄ in jinoin tata, jān ro rekāāl tata n̄an ro eto tata aer membōr, raar bōk koņaer ilo kean̄ eo eļap an Rilo̧mo̧o̧r, kwaļo̧k naan eo em̧m̧an an gospel eo ippān ro rejjan̄in kar ioon er ak jeļā kajjier. …
Bar kōj, āinwōt rikaļoor ro an Kraist, jej karuwainene kōn kūr eo An rainin. …
… Kam̧m̧oolol, kean̄ eo eļap an Rilo̧mo̧o̧r eo emaron̄ tōprak kōn pedped in katak ko reļam waan, pidodo meļeļe kaki kar katakin kōj kajjojo jān ke jaar ajri: iakwe, kwaļo̧k, im karuwainene. …
Men eo m̧oktata jemaron̄ kōm̧m̧ane ej iakwe āinwōt Kraist ekar iakwe. …
Jabdewōt iien eo jej kwaļo̧k iakwe eo āinwōt an Kraist n̄an ro rūturiid, jej kwaļo̧k gospel eo—men̄e eļan̄n̄e jejjab kōnono juon naan. …
Kōjatdikdik eo ad, aaet em̧ool, ej bwe renaaj bōk iakwe eo ad im ennaan eo ad, kōn menin ekōjkan aer en̄jake ejjab pād ilo ad maron̄. …
Men eo kein karuo jemaron̄ kōm̧m̧ane ej kwaļo̧k. …
Jej aolep kwaļo̧k men ko ippān ro jet. …
Ekōjkan ad maron̄ kakkobabatok n̄an laajrak in men ko em̧ōj kadede ad kwaļo̧k kōn ta eo jej iakwe kōn gospel eo an Jisōs Kraist?. …
Men eo kein kajilu kwomaron̄ kōm̧m̧ane ej karuwainene. …
Ewōr buki karuwainene ko jemaron̄ liļo̧k n̄an ro jet. Jemaron̄ kūr ro jet n̄an “itok im lo.”…
Ij kajjitōk ippāmi n̄an ļōmņak kōn wāween ko kom̧ maron̄ iakwe, kwaļo̧k, im karuwainene. Ilo ami kōm̧m̧ane, kom̧ naaj en̄jake juon jon̄ak in lan̄lōn̄ ilo ad jeļā bwe kom̧ij ron̄jake naan ko an Rilo̧mo̧o̧r eo ad ejitōnbōro.